2026-11-22
HomeEkintza PolitikoaIgor Arroyo: "Aspaldi ez bezalako mobilizazio dinamika abian dago"

Igor Arroyo: “Aspaldi ez bezalako mobilizazio dinamika abian dago”

Igor Arroyo koordinatzaile nagusia Euskal Telebistako “Egun On Euskadi” saioan izan da, aktualitateko gaiei buruz hitz egiteko. Egungo egoera sozioekonomikoari buruz galdetuta, nabarmendu du langileak ez daudela geldirik, oso aktibo daudela, eta borrokari esker hainbat hitzarmen lortu ditugula hilabeteotan, lan baldintza duinak bermatzen dituztenak.

Arroyoren hitzetan, “langileen artean kezka nabari da, egunero sumatzen dugu, baina gogoa ere badago, egoera honen aurrean zer edo zer egiteko. Hori desberdinduko nuke 2008ko egoerarekiko. Aspaldi ez bezalako mobilizazio dinamika abian dago”.

Sindikatuko ordezkariak dio autokritika falta dagoela agintarien artean, “hazkunde mugagabearen mitoa” elikatu dutenen artean. Sistema jasangaitza zela esan denean, beste alde batera begiratu dute beti agintariek, eta, orain, “ekaitza gainean dugunean, jarraitzen dute esaten hau ondo aterako dela”. Arroyok argi du euskal langileriak behar duen trantsizioa abiatzea eta aberastasuna banatzea ezinbestekoa dela, baina “politikariek ihes egiten diote eztabaidari”.

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.