Atzo goizean beste langile batek bizia galdu zuen Euskal Herrian, bigarrena 48 ordutan. Langilea EHUko Leioako campuseko liburutegiko teilatuan ari zen lanean.
Gaur maiatzak 20, heriotza ekarri duen lan istripu berri bat suertatu da EHUn. Oraingo honetan LAUMORA enpresako 45 urteko langilea hilik suertatu da Leioako kanpusaren teilatuan lanean ari zelarik.
Heriotza honekin, dagoeneko (eta gutxienez) lanak eragindako 17. hidakoa dugu 2014 urtearen hasieratik hona.
LAB sindikatuak, EHUko eraikin publikoan gertatutako istripua salatu egin nahi du eta azpimarratu nahi du ere eraikuntza sektorean gertatu izana, azpikontrata bat tartean delarik, hain zuzen ere.
Askotan salatu izan ditugu laneko eta kontratazioaren baldintza txarrak, prekarietatea, behin-behinekotasuna, azpikontratazioa etab, langile klaseak jasan egiten dituen istripuen eragileak baitira.
Gaurkoa are larriagoa da kontuan hartzen badugu, erakunde publikoan gertatu dela; erakunde publikoak izan behar bait dira aitzindari eta eredugarriak arlo honetan. Aldiz,
irizpide eta neurri ekonomizistak ezartzen dira, kapitalismoaren helburu berberakin: ahail eta gasturik txikiena eta denbora galerarik txikiena ere, beti ere horren prezioa axola gabe.
Guzti horrengatik beharrezko ikerketak egitea eta ardurak argitzea exigitzen du LABek.
Era berean, istripu honen gaitsetzpena egin nahi dugu, horretarako LAB sindikatuak, biharko deitutako ordu beteko lanuztearekin bat egiten du. Lanuztea, eguerdiko 12:00etatik 13:00tara burutuko da, Leioako kanpusean; eta gehiengo sindikalak (ELA; LAB; STEE-EILAS; HIRU; EHNE) deitutako kontzentrazioara joateko deialdia (liburutegiaren aurrean) ere egiten du, eguerdiko 12:00etan kanpus aurreko Mikel Laboa enparantzan