2026-11-16
HomeNazioartea IdazkaritzaPalestinaLABek Igor Goikolea euskal internazionalistaren atxiloketa salatzen du

LABek Igor Goikolea euskal internazionalistaren atxiloketa salatzen du

LAB sindikatuak joan den astean Israelgo armada sionistak burutu zuen Igor Goikolea internazionalista gasteiztarraren atxiloketa eta atzoko kanporaketa salatzen ditu.  Horrekin batera, gaur, abuztuak 19, Gasteizko Andra Mari Zuriaren Plazan burutuko den elkarretaratzera deitzen du. 

Igor Goikolea Askapenako elkartasun brigada bateko kide bezela joan da Palestinara aurtengo udan, urtero euskal herritarrek egiten duten moduan elkartasuna adieraztera okupazio sionistaren aurka borrokan ari den Palestinako herriari.

Beste behin ere agerian geratu da Israelgo estatu sionistak palestinarren aurka daraman apartheid politika. Egitasmo arrazista hori aurrera eramateko nazioarteko begiraleak deseroso zaizkio Israeli, eta horregatik hainbat kasutan Palestinatik kanporatzen ditu nazioarteko legeria, eremu honetan ere, urratuz.

LABek, sionismoaren aurkako borroka trena eraginkorrena nazioarteko boikota dela uste du. Halaber, bere babesa adierazten die uda honetan ere munduan zehar elkartasuna lantzen ari diren Askapenako brigadistei, eta elkartasuna aiderazten dio bidegabeki atxilotua eta kanporatua izan den Igor Goikoleari.
 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua