2026-11-17
HomeZerbitzu PublikoakUdal eta Foru AdministrazioaDonostiako Udalak Euskararen erabilera normalizatzeko 5. plana onartu du

Donostiako Udalak Euskararen erabilera normalizatzeko 5. plana onartu du

Donostiako Udaleko LABeko sail sindikalak begi onez ikusten du udalean onartu berri den 5. Euskara plana eta udal barruko euskararen normalizaziorako inflexio puntua izan daitekeela deritzo.

Donostiako Udaleko LABeko sail sindikalaren balorazioa

Ostiralean, uztailak 19, Tokiko Gobernu Batzarrak udal barruko 5. plangintzaldia onartu zuen. Aurretik, langileen ordezkariok hizkuntza ofizialak erabiltzeko irizpide eta lanpostuetako hizkuntza eskakizunen esleipen berriak ezagutzeko aukera izan genuen. Planaren zirriborroari ekarpenak egiteko aukera ere izan genuen.

Sei hilabeteko atzerapenarekin bada ere, azkenean, 2017an amaituko den plangintzaldi berria indarrean dago.

Laugarren plana onartu zenean begi onez ikusi genuen bertan euskararen erabilerari eman nahi zitzaion bultzada. Geroztik, udal ataleko erabilera batzordeak osatu ziren eta pixkanaka langileok euskaraz lan egiteko baliabide gehiago eskuragarri izan ditugu.

Dena den, plangintza guztietan bezala, ezarritako helburuetara ez zen iritsi, euskara zerbitzu- hizkuntza bezala kasu guztietan ez zen bermatu eta udal barruko lan-harremanetan erabilerak bilakaera ezberdinak izan ditu. Hala ere, ukaezina da aurrera pausoak eman direla.

Orain onartu den 5. plan hau ere begi onez ikusten dugu. Are gehiago, udal barruko euskararen normalizaziorako inflexio puntu bat dela iruditzen zaigu.

Planaren puntu aipagarrienak hauexek dira:

– Bete beharreko indizearen ehunekoa handitzen da %72ra iritsi arte.

– Udaleko atal guztiak planaren barruan sartzen dira.

– Irizpide orokorrek berebiziko garrantzia dute, alegia, lanpostu berri zein enplegu eskaintza publikora aterako diren lanpostu guztiei gainditutako derrigortasun data jarriko zaie.

– Hizkuntza ofizialak erabiltzeko jarraibideak udal ataletako erabilera-batzordeetarako gidoia izango dira eta zuzendaritza tekniko zein politikoetan ezartzen dira ardurak.

Asmo handiko helburua da. Gure udalean euskararen normalizazioa erabatekoa izan dadin, denon parte-hartzea eta konpromisoa ezinbestekoak dira.
 

 

LAB SAREAN
{module[111]}

      

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua