2026-11-19
HomeZerbitzu PublikoakOsasungintzaUrkulluk Osakidetzan dekretu bidez lanaldiaren luzapena inposatu izana salatzen du LABek

Urkulluk Osakidetzan dekretu bidez lanaldiaren luzapena inposatu izana salatzen du LABek

Maiatzaren 27an argitaratu egin da Osakidetzan lanaldia 1614 ordutan ezartzen duen Eusko Jaurlaritzaren Dekretua. Kazike onenen estiloan, Jon Darponen Sailak aldatu egin du indarrean zegoen LAN Baldintzen Akordioa, zeinak 1592 orduko lanaldia jasotzen zuen.

Ezin ahaztu azken hilabeteotan Osakidetzako Zuzendaritzak hainbat Sektore Mahai deitu dituela, inolako negoziazio asmorik gabe eta lanaldiaren luzapena saldu nahian. Sindikatu guztion ezetzaren ondorioz, inposizio hutsari heldu dio.

LABek salatu nahi du luzapen hau oso larria dela eta ondorioz, 2.600 lanpostu galduko direla, langile guztion lan-baldintzak are gehiago kaskartu eta osasun publikoak kalitatea galduko duela. Gainera, dagokigun negoziazio eskubidea urratu egiten du eta Madrildik esandakoari men egiten dio, herri honek irizten dionari entzungor.

Beraz, dekretazoa bertan behera uzteko mobilizazioak indartzera eta gogortzera deitu nahi dugu langilegoa. Izan ere, deialdi berezia egiten dugu datorren 30ean, grebara masiboki ateratzeko eta honela Urkulluri adierazi, argi eta garbi, Euskal Herria beste bide batetik doala. Zentroz zentro eta lekuz leku, lanaldiaren ezarpena ezinezko bihurtu behar dugu. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Nafarroako Enplegu Zentro Berezietako lan-prekaritatea salatu dugu eta diru publikoaren gaineko kontrol handiagoa eskatu dugu

LAB sindikatua mobilizatu egin da gaur goizean Nafarroako Enplegu Zentro Berezien (EZB) sektoreakin, Nafarroako Foru Komunitatean arlo horretako langileek pairatzen dituzten lan-baldintza prekarioak publikoki salatzeko. Sindikatuak Nafarroarako berariazko arau-esparru bat eskatu du, sektoreko langile guztientzako lan-baldintza duinak bermatzeko eta plantillen arteko desberdintasunak saihesteko.

Bizkaiko erresidentzien lehen greba egunean 481 milioi euroko aurrekontu partida exijitu diogu aldundiari aurrekontuen negoziaketan

Gaur, azaroak 19, LABeko ordezkariok Bizkaiko Foru Aldundiko alderdi politiko guztiekin bildu gara. Erresidentzia pribatuen egungo ereduaren aurrean, soldatak ekiparatzeko, lan baldintza duinak eta ratioak hobetzeko, 481 milioi euro beharko lirateke egoitza-zerbitzu duina eta kalitatezkoa ahalbidetze aldera. Mobilizazio-ekintza gisa, egoitzetako langileek bide-mozketa egin dute.

Entzutegi Gorenak Michelinen diskriminazioa egon zela ebaztea #LortuDugu

2023an ordaindu zen prima bati dagokion sententzian, langile kolektibo batzuk kanpo utzi izana salatu genuen.