2026-11-18
HomeIndustriaMetalgintzaEnpleguaren defentsan Abadiñotik Elorriora

Enpleguaren defentsan Abadiñotik Elorriora

Iketz eta San Eloy enpresetako langileek Abadiñotik Elorriora enpleguaren defentsan martxa egin zuten pasadan larunbatean. 210 lanpostu daude arriskuan bi enpresa hauetan eta ekimen honen bidez jasaten ari diren egoera latza salatu eta erantzukizuna duten eragileei, Eusko Jaurlaritza tarteko, dagokien erantzukizunarekin jardun dezatela exijitu zitzaien.

Iketz enpresan eman zitzaion hasiera martxari eta San Eloy enpresatik pasa ostean Elorrion bukatu zuten. Martxaren hasieran gogoratu zuten bi hilabeteko epea eman zaiela bi enpresei eta ondorioz, denbora hori pasatakoan langileak kale gorrian geratzeko arriskua dagoela. Gaurdaino jauntxoek urte luzeetan langileen kontura bizi eta gero, orain, inbertsiorako momentu hona ez dela egotzita, bizkarra ematen zaiela salatu zuten.

Jaurlaritzari ere, San Eloy lantegiaren akzioen %18aren jabe den momentutik, erantzunkizunak eskatu zizkieten langileek. Era berean, gogorazi zien instituzio horretan onartzen direla aplikatzen diren enplegu politikak eta beraz, jar daitezela herriaren zerbitzura langileon eskubideetan oinarritutako enplegu politikak, politika sozial duinak eta bazkideen gestio txarra zigortuko duen legediak ezartzen. 

 

LAB SAREAN
{module[111]}

    


AZKEN ALBISTEAK | ÚLTIMAS NOTICIAS

Lan eremuan indarkeria matxistaren aurkako konpromiso berriak orain!

Testuinguru ezegonkorra bizi dugu azaroaren 25 honetan, eta, hain zuzen horregatik, indarkeria matxistaren aurkako borrokak lehentasun izaten jarraitu behar du, baita lan eremuan ere. Faxismoaren eta eskuin erreakzionarioaren hedapenak arrisku handiak dakartza emakumeontzat*, eta, borrokaren bidez lortutako eskubideetako bakoitza jokoan dagoen honetan, inoiz baino garrantzitsuagoa da aurrera urratsak eman behar ditugula aldarrikatzea.

Salatzen dugu Correoseko bulegoak eta banaketa-unitateak gainezka daudela kontrataziorik egin ez delako

Posta bidezko botoa onartzeko azken eguna bihar izango da, eta LABen atal sindikalak salatu du bulegoak eta banaketa-unitateak gainezka daudela, hauteskunde-kanpainak eragindako jarduera-igoeraren eta kontratazio faltaren ondorioz. Egoera horrek agerian uzten du, beste behin ere, enpresaren aurreikuspen eta plangintza falta.

Salatzen dugu FVEMek Bizkaiko metalgintzako negoziazioa blokeatzen jarraitzen duela eta langileek eros-ahalmena gal dezaten dela bere asmoa

Patronalak eskasegia den soldata-proposamenari eusten dio eta malgutasun handiagoa eskatzen du, sektoreko 57.000 langile baino gehiagoren aldarrikapenei muzin eginez.