Gaur, apirilak 5, Gipuzkoako gasolindegietako hitzarmenaren akordioa sinatu da ELA, LAB, CCOO eta UGT sindikatuen eta AEGA patronalaren artean. Aurreakordio honek, borondatea izanez gero, inposatutako lan erreformari aurre egitea posible dela erakusten du.
Hitzarmena langile guztiei aplikatuko zaie, eta enpresaren batek hitzarmena ez aplikatzeko asmoa izanez gero, derrigorrezko adostasunaren bitartez egin beharko lukeela jasotzen da aurreakordioan, besteak beste.
Ultraaktibitateari dagokionez, berriz, behin hitzarmenaren indarraldia bukatu eta gero, beste 2 urtez mantenduko dela hitzarmenaren aplikazioa.
Horrekin batera, nabarmentzeko beste puntu bat: aurreko hitzarmena 2009an amaitu zenez, 2010.urtetik orain arteko atzerapenak ordaindu egingo direla adostu da, eta ondorioz, Gipuzkoako Gasolindegietako langileen ez dute eros ahalmenik galduko.
Aurreakordio honek erakusten du borondatea izanez gero, inposatutako lan erreformari aurre egiteko aukerak badaudela. LABen irudiko, hori da jarraitu beharreko bidea.
{module[111]}