Joan den astean Cooperativa Azcoitiana Industrial enpresan izandako istripuan larri zauritu zen langilea hil egin dela jakin genuen atzo. Istripu berean gutxienez beste bi langile zaurituak suertatu ziren.
Gogor salatu nahi dugu, halaber, urtea hasi dugunetik astero laneko istripu larrien berri izaten ari garela. Azken honekin, dagoeneko hiru dira urtea hasi denetik Euskal Herrian lan ezbeharren ondorioz hildako langileak. Hau guztia dela eta, LAB sindikatutik mobilizatzera dei egiten dugu eta guztien artean, sarraski hau geldiarazi dezagun.
Benetako prebentzio eredua exijitzen dugu, langileriaren osasuna lehenetsiko duen eredua, prebentzio neurri eraginkor eta errealak bultzatu eta bermatuko dituena. Eta horretarako, eredu ekonomiko politiko eta sozial berri bat eraikitzea ezinbestekoa ikusten dugu.
{module[111]}