2026-11-17
HomeIndustriaMetalgintzaOdi Bakar enpresako langileek greba mugabagean urtarrilaren zazpia geroztik

Odi Bakar enpresako langileek greba mugabagean urtarrilaren zazpia geroztik

2010eko maiatza ezkeroztik elkar-kateatutako suspentsio EREak eta kaleratzeak jasaten ari dira Odi Bakar enpresako langileak. Azken suspentsioko EREa pasa den abenduaren 21ean bukatzen zela eta, langileen ordezkariek (LAB 2, ELA 2 eta independente 1) abenduaren erdi aldera bilera eskatu zioten enpresari. Enpresaren erantzuna “ez zela beste suspentsio ERErik ezarriko eta neurri gogorragoak zetozela” izan zen. 

Langileek mehatxu zuzen honen aurrean zehaztapen gehiago eskatu zituzten eta mehatxurik onartuko ez dituztela argi uzteko, urtarrilaren 7rako greba mugagabea deitu zuten.

Gabon egunetan zehar enpresak bere asmoen berri eman zuen, gainetik bada ere, soldata jaitsiera eta “jendea soberan” zegoela argudiatuz. Urtarrilaren 4ko arratsaldera arte, langileen ordezkariak akordioetara iristeko ahaleginetan aritu ziren, enpresaren etengabeko ezezkoaren aurrean.

Langileen eskaerak argiak dira: barne akordio bidez azken Lan Erreformak enpresaburuei eman dieten aldebakartasuna berriro ere orekatzea; aldebakartasunezko erabakiz soldata jaitsiera edota lan orduen luzapena mugatzea eta akordioa behar izatea, derrigorrezko arbitrajerik ez egotea edota hitzarmenak denbora mugarik eta kaduzitatirik ez edukitzea, besteak beste.

Langileen ordezkariek, gainera, argi utzi dute behin akordio horiek hitzartuta prest daudela enpresaren egoeraz hitz egin eta akordioak bilatzeko, baina beti ere, mahaiaren bi aldeetan daudenak aukera berdinetan egonaz.

Langileok bestetik, argi dute konponbiderako aukera bakarra elkarrizketa dela eta horregatik enpresari dei egiten diogu eseri eta hitz egiteko. 

 

LAB SAREAN
{module[111]}

    

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua