5. lanuztea eta mobilizazioak CAFen enpresak unilateralki aplikatu nahi duen EEEaren aurka |

Gaur goizeko 7.30etatik 11.30etara bosgarren lanuztea egin dute CAFeko langileek enpresak unilateralki aplikatu nahi duen EREaren aurka. 9.30etan manifestazioa egin dute CAFeko sarrera nagusitik Ordiziara. Bihar, osteguna, Donostiara eramango dituzte haien aldarrikapenak 10:30etan Autobus Geltokitik aterako den manifestazio baten bitartez.

Gaurkoan ere lanuztea erabatekoa izan da CAFen, ekoizpen lerro guziak geldirik egon direralik. Lanuztearekin batera Ordiziara egin duten manifestazioan oso jendetsua izan da, bertan, Irungo CAFeko lankideak eta Goierriko udaletako hainbat ordezkarik, Beasain eta Ordiziako alkateak besteak beste, parte hartu dute.

Manifestazio garaian CAFeko Enpresa Batzordeak Ordiziako Kutxako zuzendariari Kutxabankeko administrazio kontseiluari helarazteko idatzi bat eman dio, bertan Kutxabank CAF taldeko bigarren akziodun nagusi den heinean, zuzendaritzaren aurrean bitartekari izan dadin eskatuz espedinetea bertan beharra gera dadin.

Bestetik, Komitea eta enpresa bilduta egon ziren atzo eta momentuz, enpresak EREa aplikatzeko intentzioari eusten dio. Honen aurrean, mobilizazioei eusteko intentzioa erakutsi du Enpresa Batzordeak.

BOSTGARREN LANUZTE ETA MOBILIZAZIOA EGUNA