2026-11-16
HomeIndustriaMetalgintzaArabako metalgintzako hitzarmenaren defentsan mobilizatu da LAB Gasteizen

Arabako metalgintzako hitzarmenaren defentsan mobilizatu da LAB Gasteizen

Gaur, hilak 4, LABek Arabako metalgintzako hitzarmenaren aldeko mobilizazioa egin du. Herrialdeko delekatuekin batzarra burutu ostean, hamarnaka delekatuk giza-kateari ekin diote Aldabe Gizarte Etxetik eta SEA patronalaren egoitza aurrean konzentrazioa egin dugu “Arabako metaleko hitzarmenaren alde, langileok borrokan” lelopean.

Jakina denez, LABek proposamen berri bat jarri zuen mahai gainean herrialdeko hitzarmenak salbatzeko eta negoziazio mahaiak desblokeatzeko. Arabako hitzarmenari dagokionez, hauexek dira proposamenaren edukiak:

− Aurreko hitzarmena mantendu, inolako atzerapausurik gabe.
− Soldata igoera KPI+1,5ekoa izatea.
− Hitzarmena blindatzea: minimoen izaera aitortzea (bertan agertzen diren lan baldintzak ez okertzea enpresen negoziazioetan), ultraktibitate printzipioa jasotzea eta inaplikazio kasuetan derrigorrezko arbitrajera ez jotzea.

Honenbestez, LABek hitzarmen probintziala defendatzen du bai negoziazio mahaietan, bai enpresetan, baita kalean ere. Azken finean, langile guztien lan baldintza minimoak arautu dituzte orain arte eta hemaendik aurrera ere horrela izan dadin lan egingo dugu esparru guztietan. Hurrengo asteotan, gure proposamena zabalduko diegu langile guztiei eta aurrerago, egoeraren arabera aztertuko dugu nolako mobilizazio dinamika eramaten dugun aurrera.

 


 INFO 

AZKEN ALBISTEAK | ÚLTIMAS NOTICIAS

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.

Mobilizaziorako deia egin dugu, Bizkaiko Esku-hartze Sozialeko hitzarmenaren negoziazioa blokeatuta dagoelako

Hamar hilabete baino gehiagoko negoziazioaren ostean, LAB, ELA eta ESK sindikatuok aurrerapausorik ez dagoela salatu dugu, eta abenduan bi elkarretaratze eta 2027an balizko grebak iragarri ditugu, Gizardatz patronalak aldarrikapenak aintzat hartzen ez baditu.

Arabako metala borrokan: negoziazioa orain!

LAB, ELA, CCOO, eta UGT sindikatuok, Arabako metalgintzako hitzarmenaren negoziazio batzordeko kideok, plataforma bateratu bat aurkeztu dugu SEAren aitzakia guztiak saihesteko eta, behingoz, sektoreko pertsonek behar duten eta merezi duten hitzarmena negoziatzera esertzeko. SEAk, ordea, entzungor egin die langileei eta ez du hartu nahi izan sindikatuek egindako plataforma bateratua