Gaurko dataz, LABek —beste sindikatuek ere — ikastoletako 2010eko %5eko soldata jaitsieraren kontra aurkeztu genuen demandari Epaitegi Gorenak emandako sententziaren berri jaso dugu. Sententziak langileoi arrazoia ematen digu.
Sententzia honen bidez gure estrategian berresten gara, batetik 2010eko dirua jada langileoi itzulita egotea ahalbidetu zuen akordioa lortu baikenuen, eta bestetik gatazka kolektiboarekin aurrera egitea ere erabaki baikenuen. Orain, gatazka kolektibo honetatik eratorritako sententzia honek 2011ko soldata berreskuratzeari dagokionez akordioa behin betiko ixteko are arrazoi gehiago ematen dizkigu. Bide honetan lanean ari gara bai eta lan hitzarmen kolektiboaren negoziaketan zein negoziazio kolektiboan emandako erreformaren aurrean blindatze lanetan ere.
LABetik zera eskatzen dugu; akordioan jaso bezala, Eusko Jaurlaritzatik zein Ikastoletatik beharrezkoak diren aurrekontu-partidak bidera daitezen, eta ikastoletako titularrek akordioa ixteko beharrezkoak diren negoziazioak itxi eta sententzia bete dezatela.