Lehen orduko datuek grebaren jarraipena zabala izango dela erakusten digute. Orokorrean industrian jarraipen zabala izango du, gehienbat enpresa handietan. Irakaskuntzari dagokionez, grebak jarraipen oso zabala izango du, kontutan hartzen baditugu ikastetxe bakoitzeko asanbladatan harturiko grebaren aldeko erabakiak. Unibertsitate eremuan beste hainbeste gertatuko da.
BIZKAIA
Bizkaiko industrian eragin handia izango du grebak. Busturia, Lea Artibai eta Durangaldeko enpresa garrantzitsuenak greban daude: Laminados Losal, Salica, Wartsila, Ansola, Tenneco, Alcoa edo Amaya Telleria bezalako enpresetaz ari gara. Eskumaldeako Mesa, Pine edo Troquenor bezalako enpresetan eragina handia izatea espero da eta Arratiako industrialdeetan Gea, Tecnichapa edo Ormazala enpresek itxi egingo dute, beste batzuen artean.
Sektore publikoan udaletxe eta diputazioko zentroetan jarraipen zabala espero dugu, baita irakaskuntzan ere. Garraioan Eusko Tren eta Eusko trenbide sarean zerbitzu minimoetan egongo dira, baita metroa ere.
GIPUZKOA
Gipzukoan grebak atxekimendu handia jasotzen ari da. Herrialdeko enpresa garrantzitsuenek greba egingo dute eskualde guztietan. Batez ere industria sektorean somatuko da eragina; CAF, INDAR, ARCELOR TALDEA, NIESSEN, PAPRESA, URKABE, UBIS, EZTANDA , TS FUNDICIONES, RTS edo RODISA bezalako adibideak Gipuzkoako poligonoen erakusgarri izango dira.
Aipatu behar dugu udaletxe eta instituzio publikoetako langile gehienek grebarekin bat egingo dutela. Irakaskuntza publikoan izango duen arrakastaz aparte Kristau Eskolako zentruetan eragin handia izango du (La salle gehienak).
Gipuzkoako kooperatiba garrantzitsuenak greba orokorrarekin bat egin dute.
ARABA
Enpresa handietan (Mercedes, Michelin,….) jarraipen zabala espero da. Krainer, BIoconpost edo Tublopast enpresak ixtea erabaki dute eta Aiaran Inausa, Jez, Talleres Gometegi edo Kider enpreseetako langileek grebarekin bat egin dute.
Aiaran administrazioan eta irakaskuntzan jarraipen oso handia.
NAFARROA
Bortzirian lanuztea ia erabatekoa da, inguruko enpresa handiek grebarekin bat egin dutelarik: Arcelor, Zalain, Funvera, Savera. Baztanen Harrilan eta Marmoles del Baztan enpresek itxi egin dute.
Sakanako eskualdean greba oso zabaldua dago, Magotteaux, Guerra Hermanos, Aceros Moldeados, edo Lacunza Calor besteen artean geratu direlarik. Leitzan ere bertako enpresa handiena Sarrió Papel geratu egin da.
Iruñerrian grebak erantzun handia izan du bertako enpresa handietan, haranola Papelera San Andres edo Lacteos de Navarra eta oso zabala ere KYBSE, Kayaba, TRW, Faurecia, Norton, Gorvi enpresetan besteak beste.
Iruñerrialdeko gutxienez 13 eskoletako jangelek itxi egingo dute bertako langileek grebari atxikimendua eman eta gero: Buztintxuri, Patxi Larraintzar (Rochapea), Bernat Etxepare (Txantrea), Ermitaberri (Burlata), San Frantsizko (Alde Zaharra), Hegoalde (Arrosadia), Amaiur (Iturrama), Erreniega (Zizur), Alaitz (Barañain, Virgen Blanca (Uharte), Beriain, Victor Pradera (Arrosadia), Ibarberri (Lekunberri).
Beste hainbat eta hainabat enpresek ere itxiko dute, esate baterako Lagunak igerilekuak edo Iruña Ferreteros banaketa enpresa.
Sektore publikoari dagokionez, D ereduko eskoletan jarraipena handia izango du, UPNA-ko ez dozenteak eta abar. Gainontzekoetan, erantzuna ezberdina izaten ari da.