2026-11-17
HomeLAB SindikatuaGreba OrokorraAinhoa Etxaide:"CCOO eta UGTk PSOEk krisiaren aurrean hartutako bidea berritsi dute"

Ainhoa Etxaide:”CCOO eta UGTk PSOEk krisiaren aurrean hartutako bidea berritsi dute”

Euskal gehiengo sindikalak urtarrilaren 27ko greba orokorraren eta UGT eta CCOOk sinatutako akordioaren balorazioa egin du gaur Bilbon.
Ainhoa Etxaide, LABeko idazkari nagusia izan da bertan eta besteak beste, euskal langileriak pasaden ostegunean inposatu nahi diguten pentsio erreformari ezezkoa argi eta garbi eman ziola adierazi du.

Sindikatuentzat euskal langileriak emandako erakustaldiak urrats berriak emateko zilegitasuna, arrazoiak eta batez ere indarra jasotzeko balio izan duela esan du; hasitako bideari jarraituz "erabakitzeko eskubidea eta politiken aldatzea ezinbesteko urratsa direla" azpimarratuz.

CCOO eta UGTk espainiar gobernuarekin adostutako akordioaren harira, bi sindikatu hauek egin dutena pentsio sistemaren murrizketa babestea baino haratago doala aipatu du Etxaidek, "krisi honen baitan gobernuak hartu dituen erabakiak eta garatu dituen politikak babestu dituzte" esanez. Portaera honen arrazoia Abenduaren 10ean argitaratutako BOEan topatu dezakegula argitu du. BOEak dio CCOOk 72 milioi euro eta UGTk 80 milio euro jasoko dituztela lan ministeritzatik bakarrik.

AZKEN ALBISTEAK | ÚLTIMAS NOTICIAS

Bertako LGS behar dugu, Euskal Herriko langileen errealitateari erantzuteko

Espainiako Gobernuak gaur onartu du Lanbide arteko Gutxieneko Soldataren (LGS) igoera, baita langile publikoen soldaten %4,5eko igoera ere. LABen ustez, erabaki horiek langile batzuen egoera ekonomikoa hobetuko badute ere, Hego Euskal Herrian eragin mugatua izango dute, eta ez diete gure langileen beharrei erantzungo. Gainera, langile publikoen soldaten igoera Madrildik inposatua eta ez-nahikoa da.

Beste mobilizazio egun bat Osakidetzan

Mahai Sektorialean aurrerapauso nahikorik ez dagoenez, LAB, SATSE, ELA, CCOO eta UGT sindikatuok elkarretaratzeak deitu ditugu gaur lan zentro guztietan: 11:00etan ospitaleetan eta 13:00etan Lehen Mailako Arretan.

Ikuskizun eta ekitaldien sektoreak beste bi greba egun iragarri ditu Hego Euskal Herrian, azaroaren 26an eta 27an

LABek, ikuskizun eta ekitaldien sektorean Nafarroan ordezkaritzaren %100 duen sindikatuak, EAEko beste sindikatuekin batera (Teknikariok, ESK, ELA CCOO, UGT eta CNT) bi greba egun berri deitu ditu negoziazioak desblokeatzea eta sektoreko lehen hitzarmen kolektiboa sinatzea eskatzeko. Deialdi bateratuak bi lurraldeetan partekatzen den aldarrikapen bati erantzuten dio: prekarizatutako sektore baten erregulaziorantz aurrera egitea.