Atzo, 2014ko Urtarrilaren 9a, urteko lehen lan istripu hilgarriaren ondoren eta 24 ordu baino gutxiagoren buruan, bigarren hildako bat izan da, Gasteizko Gamarra industrialdean dagoen Talleres Aratz enpresan. J.J.D.V. langile gasteiztarrak 49 urte zituen, Zayer enpresakoa zen eta montaketa lanetan ziharduen makinak harrapatuta eragin zizkion zauri oso larrien ondorioz hil zen behargina.
Gerdau GSE enpresako langileek lan ezbeharrez hildako langilearen heriotza salatu dute
Istripuaren arrazoiak ikertzea exijitzen dugu, hau bezalako istripu gehiago gerta ez dadin neurriak hartzea eta erantzunkizunak argitzea. Langileok, bizi ahal izateko egiten dugu lan eta ez, saiakera horretan hiltzeko. Lan istripuak ez dira bizitzako gertakari arruntak, lanegun birik baten langile bat hiltzea ez da lanaren ezaugarri bat. Ez, lan istripuak patronalak lan egiteko orduan ezartzen dizkigun baldintza eta lan egiteko moduen emaitza dira.
Gaur egun, lan baldintzak (prekarietatea, gauez lan egitea, kontrol eza, txandakatzea, edozein baldintzetan lanean jarraitu behar izatea, …) dira langileek osasuna eta bizia bera galtzeko arrazoirik nagusienak. Lan baldintza horiexek gure lanean eragiteaz gain, gure bizian eta osasunean ere badaukate eragina, eta krisi garai hauetan, hauek guztiak larritzen eta biderkatzen dira.
Azken aldi honetan, patronalek eta administrazio publikoek zabaltzen zuten lau haizeetara lan istripuak murriztu direla. Hori egiaren erdia da, bakarrik zenbaki absolutuetan murriztu baitira, krisi kapitalistaren eraginez, hau da, lanean pertsona gutxiago daudenez, istripu gutxiago daude. Horrek erakusten digu errealitatearen alde gordinena, lan istripuak eta bestelako osasun galerak bere horretan mantenduko direla eragiten dituzten lan baldintzak aldatu ezean, besteak beste: subkontratazioa kateatuta, aldizkakotasuna, enpresen eta obretako kontrol eza, herrialdeko hitzarmenenen urraketa sistematikoak.
LAB sindikatuak bat egiten du ZAYER lantegiko enpresa batzordeak deitutako mobilizazioekin. Enpresa batzordeak astelehenerako, hilaren 13a, elkarretaratzera deitu du goizeko 12:00etan Correos aurrean.
{module[111]}