2017/04/30 :: 10:40

Azken Eguneraketa:2017/04/29 :: 10:09

HIZKUNTZA
Hemen zaude:

9. Biltzar Nagusia
LAB 4.0 Gure garaia


 
2017/04/26
b_321_182_16777215_0___materiala_argazkiak_labSindikatua_biltzarNagusia2017_17_04_26solasaldia_17-04-26mugazgaindi.png
Datozen urteetan sindikatuaren lerroan zentralitatea izango duten gaiak landuz hainbat solasaldi egin ditu LABek azken hilabeteetan. Ziklo honen baitan gaurkoan Lurralde Batasunaren Garaia, Sindikalgintza mugaz gaindi izenburupean hendaian antolatutako mintegian hartu dugu parte. Bertan LABek, sindikatu nazional moduan jorratu beharreko bidea izan dugu aztergai.
2017/04/03
b_321_190_16777215_0___materiala_argazkiak_labSindikatua_biltzarNagusia2017_2017_04_03agerraldia_17-04-03agerraldia.png

Zuzendaritza parekidea eta baliabide berriez hornitua

9. Biltzar Nagusiaren prozesuarekin aurrera jarraitzen du LABek. Gaurkoan, datozen 5 urteetan sindikatua gidatzeko proposatzen den zuzendaritza-lan taldea aurkeztu dugu eta Biltzar Nagusi honen harira sortu den aplikazioan proposamen alternatiboak egiteko aukera zabaldu dugu. Nazio komite berri horren egituraketan hainbat berrikuntza aurreikusten dira, guztiak, datozen urteei begira sindikatuak ponentzietan jasotzen dituen erronka eta egitasmo nagusiek eskatzen duten zuzendaritza-eredua osatzera bideratuta.
2017/03/24

b_321_210_16777215_0___materiala_argazkiak_labSindikatua_biltzarNagusia2017_17_03_24Solasaldia_Ainhoa2.png
LABen hitzaldi zikloa Bilbora iritsi da ostegunean, Ainhoa Etxaideren solasaldiarekin. Burujabetza, aliantzak, langileen borroka, feminismoa... gai asko izan ditu hizpide sindikatuko idazkari nagusiak, Hika Ateneoan egindako ekitaldian. Elkarrizketa Ekhiñe Atorrasagsti eta Maite Asensio kazetariek gidatu dute, eta gogoeta mamitsuak utzi ditu. Biltzar Nagusiaren atarian gauden honetan, Etxaidek nabarmendu du LABen erronka nagusienetako bat burujabetza prozesuari bultzada ematea dela.
2017/03/22
b_321_112_16777215_0___materiala_argazkiak_labSindikatua_biltzarNagusia2017_17_03_22Solasaldia_Durango.png
LABek antolatutako solasaldi zikloak aurrera darrai. Durangon eta Tolosan aritu gara egunotan, “Sindikalgintzaren garaia. Ekintza sindikal berrirantz” lelodun mahai inguruekin. Bihar, osteguna, Bilbon izango gara: sindikatuko idazkari nagusi Ainhoa Etxaidek hartuko du hitza Hika Ateneoan, 18:30ean, “Gure garaia. Hamarkada bat sindikalgintzatik” leloarekin.
2017/03/21
b_321_195_16777215_0___materiala_argazkiak_labSindikatua_biltzarNagusia2017_17_03_21Solasaldia_SolasaldiaAinhoaOnLine.png
Ainhoa Etxaidek Idazkari Nagusi ardura hartu zuenetik ia hamarkada bat igaro da. Urte horietan krisi ekonomikoak eta erreformek gogorki kolpatu dute euskal langileria, eta euskal sindikalgintzaren aurkako enbata ere ez da nolanahikoa izan. Etxaideren gidaritzapean, ekaitz horri aurre egin dio LAB sindikatuak, eta ez hori bakarrik, garai berri bat irekitzeko oinarriak ezarri ditu, datorrena gure garaia, langileon izan dadin. Biltzar Nagusiaren atarian gauden honetan, honen guztiaren inguruan Ainhoa Etxaiderekin solasteko tartea hartuko dugu martxoaren 23an, Bilboko Hika Ateneoan arratsaldeko 18:30etan.
2017/03/08
b_321_193_16777215_0___materiala_argazkiak_Arloak_emakumeak_martxoak8_2017_m8Gasteiz.png
Martxoaren 8a da gaur, emakume langileen nazioarteko eguna. LABeko emakumeok solasaldi bat egin dugu sindikalgintzak eman beharreko eta LAB konkretuki ematera doan urrats feministaz gogoeta egiteko, maiatzaren 25 eta 26an egingo dugun 9. Biltzar Nagusiaren testuinguruan. Gasteizen izango da hitzordu garrantzitsu hori, eta Gasteizen bildu gara gaur ere. 
2017/03/02
b_321_179_16777215_0___materiala_argazkiak_labSindikatua_biltzarNagusia2017_2017_03_02Solasaldia_Bilbo.png
LABen 9. Biltzar Nagusiaren harira antolatutako solasaldi zikloa Bilbora iritsi zen atzo, eta Gasteizen izango da gaur, 18:00etan, Oihaneder kultur etxean. Bea Martxuetak eta Igor Arroyok “Aldaketa sozialaren garaia, sindikalgintza borroka sozialetan” solasaldia egingo dute, atzoko hitzaldian ukitutako gai bera. Hain zuzen ere, Bilbon, bi solaskideek garbi utzi zuten LABen helburua klase sindikalgintza indartzea dela.
2017/02/22
b_321_138_16777215_0___materiala_argazkiak_labSindikatua_biltzarNagusia2017_2017_02_22Solasaldia_Katakrak.png
LABek solasaldia egin du Iruñean, burujabetza prozesuari zein ekarpen egingo dion ezagutzera emateko. Sindikatuak berretsi du Euskal Herriak estatu propio bat behar duela aldaketa soziala gauzatzeko, eta nabarmendu du ezinbestekoa dela burujabetza maila guztietan berreskuratzea, Kapitalismotik haragoko alternatiba eraiki nahi bada.
 
b_170_0_16777215_0___materiala_argazkiak_labSindikatua_biltzarNagusia2017_16_11_21_gureGaraia.png


 APLIKAZIO TELEMATIKOA
9. BILTZAR NAGUSIAREN PROZESUAN LABeko AFILIATU GUZTIEK PARTE HARTZEKO TRESNA

AINHOA ETXAIDE
 INFO7ko Kale Gorrian (2016/11/18)
 BERRIAn (2016/11/20)
 EITBko Egun On Euskadin (2016/11/21)
 EUSKADI IRRATIko Mezularian (2016/11/15)
 
GARA (2016/11/26)
 DEIA (2016/11/28)

b_185_85_16777215_0___materiala_argazkiak_labSindikatua_biltzarNagusia2017_17_02_16Desherria_Garbine.png
Datozen asteetarako antolatutako solasaldi zikloari ekin diogu gaur, Andoainen, Martin Ugalde kultur parkean. Lehen hitzorduak 'Des-Herria: hausturak eta etenak Euskal Herrian' azterlana aurkezteko balio izan du, baita LABek ikerketak jasotzen dituen arazo sozio-ekonomikoei zein erantzun emango dizkien azaltzeko ere. Ipar Hegoa Fundazioak eta Gaindegiak osatu dute txostena, eta LABeko ordezkari Garbiñe Aranburuk eta Gaindegiko Imanol Esnaolak hartu dute hitza.

b_185_258_16777215_0___materiala_argazkiak_labSindikatua_biltzarNagusia2017_17_02_10Solasaldiak_Solasaldiak.png
Otsailaren 16an hasi eta maiatzaren 24era arte askotariko gaiak landuko ditu LABek, guztiak datozen urteetako sindikatuaren lerroan zentralitatea izango dutenak: Euskal Herriaren egoera sozioekonomikoa, sindikalgintzaren erronkak, sindikalgintzaren ekarpena borroka sozialei, feminismoa sindikalgintzan, ekintza sindikal berria, Euskal Herrian mugaren alde bateko eta besteko harremanak eta sindikalgintza nazioartean, besteak beste.

b_185_124_16777215_0___materiala_argazkiak_labSindikatua_biltzarNagusia2017_17_01_19Ponentziak_Biltzar1.png
LABeko ordezkariek agerraldia egin dute gaur Bilbon, maiatzean egingo dugun 9. Biltzar Nagusiaren harira. Hain zuzen ere, eztabaida prozesuaren inguruko xehetasunak eman ditugu, eta Ponentzia-taldeen koordinatzaileek zuzendaritzak proposatutako ponentzia politiko sindikala eta antolakuntza ponentzia aurkeztu dituzte.


 APLIKAZIO TELEMATIKOA
9. BILTZAR NAGUSIAREN PROZESUAN LABeko
AFILIATU GUZTIEK PARTE HARTZEKO TRESNA

b_185_264_16777215_0___materiala_argazkiak_labSindikatua_biltzarNagusia2017_16_11_15AgerraldiaAurkezpena_biltzarNagusia.png
"LAB 4.0 Gure Garaia". Hauxe da sindikatuak aukeratutako goiburua, 2017ko maiatzaren 25 eta 26an Gasteizen egingo duen 9. Biltzar Nagusiari begira. Hitzordu garrantzitsu hori astelehenean aurkeztu genuen Bilbon, leloa eta irudiarekin batera. Hain zuzen ere, goiburuarekin LABen 40 urteko ibilbidea gogora ekarri nahi izan dugu. Lau hamarkada izan dira, lau fase: sorrera, kontsolidazioa, belaunaldi aldaketa eta, laugarren honetan, eredu sindikalaren berritzea.

b_185_98_16777215_0___materiala_argazkiak_labSindikatua_biltzarNagusia2017_16_11_15AgerraldiaAurkezpena_exekutiba.png
“LABen lerro sindikala berritu dugu krisiaren eta erreformen kontra borrokatzeko, gure egiteko moduak eta langileekin lan egiteko erak egokitu ditugu, gure aldarrikapenak berritu ditugu lan eta gizarte egoera guztiz aldatu delako... LAB berritu batekin iritsiko gara biltzarrera, etxeko lanak eginda”.

LAB sindikatua 9. Biltzar Nagusiaren prestaketa lanetan bete-betean sartu da. 2017ko maiatzaren 25 eta 26an izango da Kongresua, Gasteizen. Hitzordu garrantzitsu honen berri emateko agerraldia egingo dugu datorren asteartean, azaroak 15, Bilboko egoitzan. Osasun betean eta indartsu iristen da sindikatua hitzordu garrantzitsu honetara. Besteak beste, azken urteotan sindikatuak bere idazkaritza nagusian izandako gure bi lemazain bikain hauei esker.