2024-09-20
HomeIndustriaMetalgintzaJarraipen zabala izan du Asteasuko Siemens-Gamesako grebak

Jarraipen zabala izan du Asteasuko Siemens-Gamesako grebak

Asteasuko Siemens-Gamesako langileak greban daude. Irailaren 24an hasi zuten greba eta urriaren 1era luzatuko da, bajan zegoela kaleratu zuten lankide baten berronartzearen alde.

Jarraipenari dagokionez tallerrean ia erabatekoa izan da, atzo ez zen inor joan lanera. Bulegoetan, %40ko jarraipena gutxi gora behera.

Mobilizazio iraunkorrean daude langileak, piketeak, konzentrazioak, pankartak eta kartelak jarri… Parte hartzea oso handia izan da. Goizeko bost eta erdietan 40 lagun inguru bildu dira egunero.

Gaur Zamudiora joan dira Siemens Gamesako egoitza nagusiaren aurrean kontzentrazioa egitera. Bihar, egunero bezala 5:30etatik aurrera enpresa aurrean mobilizatuko dira Asteasun.

Enpresaren aldetik ez dago mugimendurik eta jarrera itxian mantentzen dira. Datorren astean beste asanblada bat izango da hemendik aurrerako dinamikak definitzeko.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.