2024-09-20
HomeEkintza PolitikoaMont-de-Marsanen izan gara, Espetxeetako Birari babesa emateko

Mont-de-Marsanen izan gara, Espetxeetako Birari babesa emateko

Bagoaz, Sare eta Etxerat elkarteek sustatutako Espetxeetako Birari hasiera eman diote goizean, Mont-de-Marsango espetxean. Agerraldi bat egin dute, kartzela atarian, eta LABeko idazkari nagusi ondoko Igor Arroyo eta Ipar Euskal Herriko bokalia Eñaut Aramendi bertan izan dira, dinamikari babesa emateko.

Espetxeetako Birak hainbat etapa izango ditu, eta agerraldi, bilera eta elkarretaratzeak aurreikusita ditu hemendik abendua bitartean. 24 egun iraungo ditu martxak, 4.000 kilometro beteko ditu eta 20 espetxe eta 8 hiri bisitatuko ditu; hau guztia, euskal presoen eskubideen defentsan.

Hala, Parisen izango du helmuga, eta abenduaren 9rako mobilizazio handi baterako deia egina dago Frantziako hiriburuan, Bakearen Artisauen eskutik.

Lehen egunean, biraren aurkezpen agerraldiaz gain, Euskal Herriko sindikatuetako ordezkari LAB, CGT eta CFDT MOnt-de Marsan presondegiko sindikatuekin bildu dira.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.