2024-09-20
HomeEkintza PolitikoaNafarroako Legebiltzarrak larriki gaixo dauden presoei buruzko mozioa onartu izana oso positiboa...

Nafarroako Legebiltzarrak larriki gaixo dauden presoei buruzko mozioa onartu izana oso positiboa dela iritzi dugu

nafar preso politikoen sakabanatze politikari azkena emango dion adostasun soziala lotzeak lehentasuna du, non haren eraginez, astero, hiltzeko arriskua paratzen duten, senideak eta lagunak bisitatzeko, ehunka kilometro bete behar izaten dituzten ehunka nafar herritarrek.

Nafarroako Legebiltzarrak, Geroa Bai, EH Bildu, Podemos eta Izquierda-Ezkerraren botoekin, larriki gaixo dauden presoei buruzko mozioa onartu ondoren, LAB sindikatuak ondorengoa adierazi nahi du:

1. Arras positiboa irizten diogula Nafarroako Parlamentuak onartu ebazpenari (haren edukiagatik eta adostasun handi batez onartu delako) eta harekin bat gatozela, hartan eskatzen baita larriki gaixorik dauden nafar presoak aska daitezela.

2. Juridikoki, politikoki, sozialki eta giza-mailan, onartezina da Espainiako Gobernuak, garai berrietan gauden arren, oraindik eusten duen eta heriotzaraino heltzen den salbuespeneko espetxe-politika (ETAk behin betikoz baztertu badu ere bere jarduera armatua). Horren adibide, gizatasunaren ikuspegitik, Espainiako Barne ministroa den Zoidok erran eta iraingarriak suertatzen diren hitzok: “larriki gaixo dauden presoak, haiek zendu baino bi hilabete lehenago askatuko dira”.

Horrela, presoei ere dagokien bizitzeko eskubideari begirunea azalduz, Espainiako estatuan indarrean dagoen legeria nahiz nazioarteko estandar oinarrizkoenak betez, hiru nafar preso hauek beraien etxeetan egon beharko lukete jadanik.

3. Gure erabateko konpromisoa agertzen dugu Nafarroako gizartean, oro har, eta nafar langileen artean bereziki, zeharrekoa eta bere baitan hartuko duen behar besteko adostasuna lor dadin, non haren bidez gizarte-aktibazioan urrats berriak egiten eta Espainiako Gobernuak nafar preso politikoei ezarri salbuespeneko espetxe-politikari azkena emateaz hitzartzen utziko digun.
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.