2024-09-20
HomeEkintza SozialaDena prest, Irun eta Hendaian, justizia soziala, elkartasuna eta berdintasunean oinarritutako mundu...

Dena prest, Irun eta Hendaian, justizia soziala, elkartasuna eta berdintasunean oinarritutako mundu baten alde eragiteko


G7ko mandatariak Biarritzera datoz abuztuaren 24, 25 eta 26an, goi gailurra egiteko. Bada, hitzordu horren atarian dator “G7 EZ! Euskal Herritik beste mundu bat sortzen” plataformak antolatutako kontragailurra, alternatibak gizarteratzeko helburuarekin, hots, beste eredu batzuk babesteko eta beste aterabide batzuk eraikitzeko, justizia soziala, elkartasuna eta berdintasuna oinarri duen mundu baten alde. Sustatzaileen artean LAB sindikatua dago, hainbat eragilerekin batera. Kontragailurrak jarduera ugari proposatuko ditu abuztuaren 21 eta 23 bitartean. Hain zuzen ere, ia 200 hizlariren presentzia izango da Irungo Ficoban eta Hendaiako zineman egingo diren hitzaldietan, eta 50 tailer inguru egingo dira aldi berean. Larunbatean, berriz, mobilizazio bat izango da Hendaiako portua eta Irungo Ficoba artean, 11:00etatik aurrera. Egitaraua oparoa da oso, eta prestaketa lanetan buru belarri daude egunotan Ficoban, kontragailurraren espazio nagusian.  



 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.