2024-09-19
HomeZerbitzu PublikoakEusko JaurlaritzaEusko Jaurlaritzarako Lan Poltsen deialdiaren aurrean, Administrazioak erakutsitako erantzukizun falta salatzen dugu

Eusko Jaurlaritzarako Lan Poltsen deialdiaren aurrean, Administrazioak erakutsitako erantzukizun falta salatzen dugu

Eusko Jaurlaritzak, administrazioan lan egiteko zazpi lan poltsatan sartzeko deialdia egin du. Aste honetan, azterketaren data iragartzeaz gain, onartu eta baztertuen zerrendak publikatu ditu, prozesu honetan 20.000 pertsona baino gehiagok parte hartuko dutela kalkulatzen delarik. LABek Administrazioko arduradunek deialdi hauen erabilera propagandistikoa salatu nahi du.

Lan poltsa hauen irekierak ez du enplegurik sortuko, arduradunek aipatu duten moduan, balizko ordezkapenak betetzeko baliagarriak izango baitira. Zerrendetan sartzeko prozesu honetan zenbat pertsona apuntatu diren ikusita, jendartean orokorrean eta, batez ere, langabetuen artean sortu diren itxaropen faltsuak kontutan ez izatea oso larria da. Administrazioa ezagutzen dugunok, baita arduradunek ere, badakigu lan poltsen deialdi hau ez dagoela sektoreak gaur egun dituen beharrei erantzuteari zuzenduta. Gure ustez, interes politikoak lehenetsi dira berriro ere eta, aukera galdu da
kalitatezko zerbitzu publikoak garatzeko eta enplegu egonkorra sortzeko hartu behar diren erabakiak sindikatu edo eragileekin adosteko.

Halaber, euskarari eman zaion trataera salatu nahi dugu, meritu bezala bakarrik hartuko dute kontutan, nahiz eta bete nahi diren lanpostuetan euskara eskakizunaren profila derrigorrezkoa izan. Hau guztia gutxi izango balitz, Eusko Jaurlaritzak psikoteknikoak diren probak gainditzearen beharra sartu du, gaitasuna edo adimena neurtu beharrean, inteligentzia ebaluatzeko baliagarriak direla argudiatuz. Gure ustez, proba hauek neurtzeko zailtasunak daude, subjektiboak diren elementuen menpe gelditzen direlarik.

Bestetik, azterketak prestatzeko eta materialak bilatzeko errazteko bideak eskaini beharrean, oztopoak besterik ez dituzte jarri, lan poltsa bakoitzean eskatu diren gaitegietan bibliografiak aipatu ez dituztelako.

Deialdi honetan parte hartzeko kobratu den tasa altuarekin ez gaude ados, langabezian dauden milaka interesatuentzat ekonomikoki kalte handia suposatu ahal duelako, gainera, parte hartzen den zerrenda bakoitzeko ordainketa bat egitera behartzen dute.

Beste alde batetik, zazpi lan poltsa hauen irekiera ez nahikoa dela azpimarratu nahi dugu, gaur egun, agortzear dauden beste zerrenda batzuk ireki ez direlako, gainera, zabaldu diren zerrendetan titulazio berri batzuk ez dira kontuan hartu, hainbat hautagai baztertzen.

Baina larriena da, Eusko Jaurlaritza, gaur egun administrazioan dagoen behin-behinekotasun tasarekin bukatzeko apusturik egin beharrean, partxeak jartzearekin konformatzen dela, Rajoyk inposatutako birjartze mugak onartuz. Bukatzeko, Zerbitzu Publikoak suntsitzeko erabiltzen ari diren estrategia merkantilista honen aurrean, gure lan baldintzen defentsan, enplegua egonkorraren alde eta kalitateko zerbitzu publikoak garatzeko estrategiak aurrera eramateko deialdia luzatu nahi dugu, langileok horren alde lanean jarraituko dugu.

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.