2024-09-19
HomeZerbitzu PublikoakGizarte AsistentziaGipuzkoako Zahar-egoitzen hitzarmen berriaren negoziazioari ekin zaio

Gipuzkoako Zahar-egoitzen hitzarmen berriaren negoziazioari ekin zaio

Indarrean dagoen hitzarmenak agintzen duena eta hark ezarri epea betez eta ELA eta LAB sindikatuek  2013. urteko hitzarmen kolektiboa negoziatu behar duen mahai berria eratu dute.

ELA eta LAB sindikatuen irakurketa
ZAHAR-EGOITZAK: HITZARMEN BERRIAREN NEGOZIAZIOARI EKIN ZAIO

«Indarrean dagoen hitzarmenak agintzen duena eta hark ezarri epea betez eta ELA eta LAB sindikatuek deituz (bi sindikatuon artean hirugarren adineko sektorearen %80-a ordezkatzen dugu), gaur, hilak 19, eratu dugu 2013. urteko hitzarmen kolektiboa negoziatu behar duen mahai berria.

Probintzia mailako negoziazio honetan ELAk eta LABek sektoreko langileen lan baldintzak arautzeko lehentasunezko erronka dugu; aipatu erronkak 3 oinarrizko gaiei ekin behar die: lehenengo eta behin, lotuko eta sinatuko den itunak behar besteko bermeak izan ditzan, eta honen ezarpena, sektoreko enpresa guztientzat eta Gipuzkoako Foru Aldundiaren estaldurarekin, derrigorrezkoa izan dadila; bigarrenez, erreformaren eragina baliogabe dadin, haren aurkako behar besteko artikuluak sar daitezen; eta hirugarrenez, eutsi ahal izan diezaiegun, eskuratzeko, horrenbeste urtetako borroka kostatu zaizkigun eskubideei. Azkenik, hitzarmen berriak, horren prekarizatua dagoen hirugarren adinako sektore honetan, eduki ekonomiko eta sozialen hobekuntzari ekin behar dio. Krisialdia ez daiteke eskubideak murrizteko aitzakia izan, eta utz gaitzaten, aspaldian eskatzen ari garen hobekuntzarik gabe.

Gaur bertan eratu dugu mahaia eta gure asmoa negoziazioa erritmoz hornitzea da. Horrengatik, parte-hartzaileak deitzen ditugu negoziazioa ez dadin alferrik luza eta ekin diezaiogun lanari, hitzarmen ona lortzeko.

ELAk eta LABek azpimarratu nahi dugu Gipuzkoako Foru Aldundiak erakutsi duen jarrera ona harekin eztabaidatu ditugun gaietan, adibidez, hitzarmenaren ezartze-bermearen eta hartan, erreformaren aurkako artikuluak sartzearen harira. Baina hala ere, egia esatearren, ADEGIk eta LARESek azalduko duten enpresa-jarreraren baitan ekarriko dugu bere onera negoziazioa; bestelako alternatibek izugarrizko gatazka-egoera eta borroka latzak ekarriko dituzte Gipuzkoako egoitzetara. ELAk eta LABek ez dugu inongo atzera pausorik onartuko, dagoeneko gure esku dauden eskubideetan eta era berean, ahaleginduko gara hobetu daitezen.

Donostian, 2012ko urriaren 19an
ELA-LAB
»

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.