2024-09-19
HomeIndustriaMetalgintzaBorroka eta antolaketa dira Bizkaiko metalgintzan hitzarmen duina lortzeko bide bakarra

Borroka eta antolaketa dira Bizkaiko metalgintzan hitzarmen duina lortzeko bide bakarra

Gaur, azaroaren 9an, Bizkaiko metalgintzako mahai negoziatzailearen 12. bilera egin da. 12 bilera eta gero, blokeoa erabatekoa da inongo puntutan ez delako akordiorik lortu. FVEM patronalak sindikatuon proposamen guztiak baztertu ditu.

12 bileretan lortu ezer lortu ez duen negoziazio mahaian jarraitzeko beharra justifikatzeko nahian, CCOOek proposamen berri bat egin du. Proposamen hau CCOOek patronalari bere egunean eskatutakoaren azpitik dago. Horrela, CCOOek galdutzat ematen du aurreko urte guztietako soldata, lanaldia jaistea; ebentualitatea, ABLEak edo azpikontratazioa bezain elementu garrantzitsuak arautzeko edozein aukera…

LABek uste du hori ez dela bidea. Ez da proposamen arazoa, negoziatzeko borondatea eta langileen lan eta bizi-baldintzak hobetzekoa baizik. Adibide grafiko bat jartzea goaz. Gaur, FVEMek patronalak albo batera utzi utzi du 250 langiletik beherako enpresetan berdintasun planak egitea legea ez dituelako horretara behartzan. Hori al da patronalaren borondate negoziatzailea? Metalgintzako aukera berdintasuna eta sektoreko generoaren araberako diskriminazioari ez zaio aurre egiten eta normalizatu egiten da patronala ez dagoelako horretarako behartuta. Lotsagarria da.

Pasatzen den bilera bakoitzeko, argi baino argiago gelditzen da borroka eta antolaketak soilik lorutko dutela hitzarmen duina Bizkaiko metalgintzako langileentzat. Metalgintzako enpresek 1.300 milioi eurotako irabazi garbiak aitortu zituzten 2016an. FVEM esan zuen 2017an %4,5 egin zuela gora fakurazioak. Urte bikaina izan zela esan zuten. 2018rako aurreikuspenak ere oso onak dira. Testuinguru honetan, sindikatu moduan dugun betebeharra da eskubideok defendatzea, ez patronalari nahikoa iruditu arte amore ematea.

Beste sindikatuei, ELA, CCOO eta UGTri dei egiten diegu hitzetatik ekintzetara pasa daitezen. Argi baldin badugu patronalak ez duela eduki duinik izango sindikatuon presiorik gabe, zeren zain daude mobilizazioei ekiteko? LABen argi dugu, borroka eta antolaketa dira bide bakarra lan-zentro guztietan, handi zein txikiak. Elkarrekin lor dezakegu.
 

 

 

AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.