LAB SINDIKATUA

2018/09/20 :: 6:34

Azken Eguneraketa:2018/09/19 :: 10:49

HIZKUNTZA
Hemen zaude: FEDERAZIOAK INDUSTRIA Federazioa Industrian aberastasuna banatzeko garaia dela aldarrikatuko dugu, mobilizazioen bitartez

Industrian aberastasuna banatzeko garaia dela aldarrikatuko dugu, mobilizazioen bitartez

E-posta Inprimatu PDF fitxategia
Partekatu albistea



Bada garaia hitzarmenak eguneratzeko eta industriako langileen lan baldintzak hobetzeko, guztion lan baldintzak hobetzeko. Gaurkoan, propaganda eguna antolatu dugu Euskal Herri osoan. Datorren asteetan mobilizazioak burutuko ditugu.

Urtebete pasa da patronalak eta sindikatuek Araba, Gipuzkoa eta Bizkaiko negoziazio kolektiboa blindatzeko akordio interprofesionala sinatu genuenetik. Ordundik hona, gutxi dira sinatutako hitzarmenak. Bitartean, patronalak enpresek irabazten ari diren dirutzak publiko egiten jarraitzen du:

• Araba, Gipuzkoa eta Bizkaian, urtean, 2.598.278.000 euroko irabaziak lortu zituzten industriako enpresek azken datuaren arabera.
• Nafarroan, 1.852.599.000 euroko irabaziak lortu zituzten industriako enpresek.
• BPGa inoizko handiena da, hau da, inoizko aberastasun gehiena sortzen da Euskal Herrian.

Bitartean:

• 10 langiletik 6k ez dute lan hitzarmenik Araba, Gipuzkoa eta BIzkaian.
• Lan baldintzak geroz eta prekarioagoak dira, bereziki kontratazio berrientzat.
• Industriako langileen %19a da soilik emakumezkoa.
• Nafarroan, patronala CCOO eta UGTren laguntzarekin, hitzarmen merkeen aldeko apustua egiten ari da, estatuko hitzarmene alde.

Hortaz, egoera bidegabe hau salatu eta aldatzeko borrokatu beharra dago. Sektoreetan eta enpresa mailan, eremu guztietan, LABek lapurtu digutena berreskuratzeko borroka egingo du.

Bada garaia hitzarmenak eguneratzeko eta industriako langileen lan baldintzak hobetzeko, guztion lan baldintzak hobetzeko.

Gaurkoan, propaganda eguna antolatu dugu Euskal Herri osoan. Datorren asteetan mobilizazioak burutuko ditugu:

• Martxoaren 13an, asteartea, 11:00etan, ADEGIn, manifestazioa Donostian.
• Martxoaren 14an, asteazkena, 11:00etan, giza katea Gasteizko Aldabe Gizarte etxetik. Elkarretaratzea, 11:15ean, SEA parean, Gasteizen.
• Martxoaren 15ean, osteguna, elkarretaratzea Iruñean, CEN parean, 12:00etan.
• Martxoaren 16an, manifestazioa Confebasken egoitzatik abiatuta, Bilbon, 11:30ean.
 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.