2024-09-20
HomeIndustriaEnergiaSei egun daramatzate gose greban LABeko bi ordezkarik

Sei egun daramatzate gose greban LABeko bi ordezkarik

Gueñesko kultur etxean itxialdian diren Konecta BTO enpresako LABeko bi delegatuek gaur sei egun beteko dituzte gose greban, ura bakarrik edanez. Elkartasun keinu ugari ari dira jasotzen. Atzo, asteartea, elkarretaratzea egin zen kultur etxe aurrean, eta datorren ostiralean, arratsaldeko 19.00etan berriro ere protesta izango da toki berean.
Elkartasuna, gainera, Enkarterriko eskualdetik kanpora ere ari da zabaltzen, Konectan gertatzen ari dena (kaleratzeak, leku aldaketak, hitzarmena aplikatzeari uztean…) ezagunak dituztelako beste lantoki askotan ere.

Gose grebari ekitea erabakitzen duen langile batek izan dezakeen amorrua eta frustrazioa ulergarria egiten da, Konectan bezala, urtebetean ia 80 langile kaleratzen direnean, eta gainera, Iberdrolaren aldetik langileei greba eskubidea urratu zaienean, euren lana beste enpresa batzuetara desbideratuz. Enpresa aldaketa eman zenean ere, langileak subrogatuak izan beharrean, legea betetzeari bizkar emanez eta elektrizitate konpainiaren presioa nagusitu zenean.

Garrantzitsua da deitutako mobilizazioetan horrenbeste jenderen atxikimendua jasotzea, Leire Sainz-Ezkerra eta Irantzu Llamosas egiten ari diren borroka duina babes handia ari da jasotzen, inolako erreparorik gabe lan erreforma aplikatzen lehenengoetarikoa izan den Iberdrolaren jokabidearen aurrean.

Gose greban diren bi langile hauek enpresak kaleratutako lankide guztiak berronartzea eta leku aldaketak bertan behera geratzea eskatzen dute; era berean, Gueñesko Udala gobernatzen duen PNVri eskatzen diote Iberdrolarekin negoziatu ditzala Gueñesko lantegian enplegua mantentzea ahalbidetuko duten baldintzak. Gose greba mugagabe honekin aurrera egiteko erabateko determinazioa dute LABeko bi delegatuek.

Gueñesen, 2012ko martxoaren 14an

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.