2024-09-20
HomeEkintza PolitikoaForo Sozialak mahai inguruak egingo ditu Irunen, preso eta iheslarien gizarteratzeari buruz

Foro Sozialak mahai inguruak egingo ditu Irunen, preso eta iheslarien gizarteratzeari buruz

Bake prozesua indartzeko Foro Sozial Iraunkorrak Irungo Ficoban antolatu ditu jardunaldiak, ostirala eta larunbaterako. LABeko ordezkaritza bat izango da bertan, entzule gisa, sindikatuko idazkari nagusi Garbiñe Aranburu buru.

Ficoban izango dira mahai inguruak, "Iheslariak: gaur egungo egoera eta bide erabakitzaileak bere itzulerako eta birgizarteratzeko" gaia hizpide hartuta. Ostiralean, 16:00etatik 19:00etara finkatu dute hitzordua; larunbatean, 9:30etik 13:30ak bitartean. Izena emateko email honetara idatzi behar da: inskripzioak.forosoziala@gmail.com

Bestalde, ostegunean, Oiartzungo udaletxean beste hitzaldi bat antolatu du Foro Sozial Iraunkorrak, "Preso eta iheslarien bergizarteratzea eskubide sozial eta zibil osoen jabe izanda". Cosite Irlanda Iparraldeko preso ohien elkarteko ordezkari Michael Culbertek eta Harrera elkarteko ordezkari Juan Karlos Ioldik hartuko dute hitza, 18:00etatik aurrera. Izena emateko email honetara idatzi behar da: inskripzioak.forosoziala@gmail.com
 

 

 

AZKEN ALBISTEAK | ÚLTIMAS NOTICIAS

Bilboko hiribilduaren mantentze elektrikoari buruzko agiri teknikoa inpugnatu dugu, hitzarmena ez betetzeagatik

2024ko irailaren 4an, Bilboko Udalak argitara eman zituen Bilboko argiteria publikoaren eta instalazio elektriko eta osagarrien mantentze- eta kontserbazio-zerbitzuaren lizitazio berriaren agiri teknikoak. Agiri horietan, Bilboko Argiakeko 39 langile agertzen dira langile subrogagarri gisa, eta subrogazio-zerrendatik kanpo geratzen dira mantentze elektrikoko zerbitzuko obren atalari atxikitako 9 pertsonak.

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.