LAB SINDIKATUA

2018/05/24 :: 7:44

Azken Eguneraketa:2018/05/23 :: 13:29

HIZKUNTZA
Hemen zaude: ARLOAK EMAKUMEAK Martxoak 8

Martxoak 8

Emakumeok* mundua mugitzeko gaitasuna dugula erakutsi dugu #EmakumeokPlanto

E-posta Inprimatu PDF fitxategia

Historikoa bai, eta ez hori bakarrik, historikoa eta mundiala izan da gaurkoa, milaka emakume*, elkar hartuta, Euskal Herriko plazetan. Kalera atera gara, gurea dena aldarrikatzera, eskubideak, parekidetasuna, aitortza eta errespetua. Ehunka mobilizazio eta milaka irudi eder utzi dizkigu grebak. Baina gaurkoa argazki bat baino askoz gehiago izan da. Gure lanaren balioa aitortuko duen sistema berri baten alde egiteak batu gaitu emakumeok*, eta garai berri baterako aldarrikapenak finkatu ditugu.

Egun historiko bat, garai berri baterako

E-posta Inprimatu PDF fitxategia

Erdiak geratuta, guztia geratzen ari da. Gaurkoa ez da ohiko greba bat. Greba feminista da, mundu mailako deialdia, gurean, Euskal Herrian ere erabat busti gaituena, busti gara, mugimendu feministaren deiari erantzunez eta euskal sindikatuon bulkadaz. Euskal emakumeok amantalak zintzilikatu eta kalera atera gara. Orratzak ere, jostekoak, etxean geratu dira gaur, bakar bat ere ez baitzen sartzen gure plazetan. Ez dugu guk esaten, argazkiek esaten dute, egun historiko bat da gaurkoa, garai berri bati begira.

Panaman hartuko dugu hitza, Munduko Emakume Langileen Kongresuan

E-posta Inprimatu PDF fitxategia

Munduko Sindikatuen Federazioak Munduko Emakume Langileen Kongresua antolatu du Panaman, eta han dago LABeko ordezkaritza bat, Zehar Lerrotako idazkari Arantxa Vazquez buru. Hain zuzen ere, kongresua martxoaren 8, 9 eta 10ean egingo dute, eta gaur egun oraindik indarrean dauden aldarrikapenen inguruan ariko dira hizketan. Arantxa Vazquezek gaur hartuko du hitza, martxoaren 8an, Emakumeen Nazioarteko Egunean bertan.

"Greba politiko bat da, kapitalismoaren kontrakoa"

E-posta Inprimatu PDF fitxategia

Euskal gehiengo sindikalak bat egin du Euskal Herriko Mugimendu Feministak ostegunerako deitutako greba feministarekin. Lantokietan lanuzteak deitzea erabaki dugu, 11:00etatik 15:00etara eta 18:00etatik 22:00etara. Helburua da egunean bertan egingo diren deialdi nagusiak (12:00etan eta 20:00etan) babestea eta lantokietan dauden emakumeak deialdietan parte har dezaten kalera ateratzea. Hori bai, LABeko Idazkaritza Feministako idazkari Elixabete Etxeberriak azaldu bezala, “lan merkatutik harago doan iniziatiba bat da. Planto eginez, gure lanak duen balioa aldarrikatzea eta emakumeok debalde egiten dugun zaintza lanak aitortzea bilatzen dugu. Erakutsiko dugu emakumeak behar beharrezkoak garela eredu sozioekonomikoa aurrera eramateko eta guztion bizimodua sostengatzeko. Eta bidezkoa dena eskatuko dugu: lan hori guztia aitortzea eta eskubideak lortzeko bidea izatea; zor zaizkigun eskubideak aitortzea, alegia”.

Emakumeen borroka babestera deitu du Munduko Sindikatuen Federazioak

E-posta Inprimatu PDF fitxategia
Munduko Sindikatuen Federazioak ohar bat helarazi du, Martxoaren 8a dela eta. Bere sorreratik, 1945. urtetik, emakumeen aldarrien aldean lerrokatu dela ekarri du gogora, eta berdintasuna lortzeko bidean egindako aldarrikapenak babesten dituela berretsi du. Hain zuzen ere, Munduko Emakume Langileen Kongresua antolatu du egunotarako Panaman, eta han dago LABeko ordezkaritza bat, Zehar Lerrotako idazkari Arantxa Vazquez buru.

Gehiengo sindikalak M-8ko greba feministarako zerbitzu minimoen inguruan aurkeztutako helegitea partzialki onartu dute

E-posta Inprimatu PDF fitxategia
Atzo salatzen genuen Eusko Jaurlaritzak biharko greba feministarako gutxieneko zerbitzuak gogortu zituela emakumeon grebarako eskubidea urratuz. Ondorioz, inpugnatu egin genituen sindikatuok.

Eusko Jaurlaritzak Martxoaren 8ko greba feministarako gutxieneko zerbitzuak gogortu ditu emakumeon greba eskubidea urratuz

E-posta Inprimatu PDF fitxategia
Gutxieneko zerbitzuak gehiegizkoak direla deritzogu eta emakume langileon greba eskubidea urratzen duela salatu nahi dugu. Horrez gain, agintekeria honen aurrean emakume guztiei dei egiten diegu Martxoaren 8ko greba Feministan antolatuko diren mobilizazio eta ekintzetan parte hartzera Martxoaren 8a egun arrakastatsua eta historikoa izan dadin.

Garbiñe Aranburu: "Berdintasunaren gaia agenda politikoan kokatzea lortu dugu"

E-posta Inprimatu PDF fitxategia

EITBko “Egun on Euskadi” saioan izan da gaur LABeko idazkari nagusi Garbiñe Aranburu. Gaurkotasunari lotutako zenbait gairen bueltan galdetu diote; martxoaren 8ko greba feministari buruz, kasu. Egun horretan kalera ateratzeko “arrazoiak soberan” daudela berretsi du. “Emakumeok bizi dugu diskriminazio egoera erdigunean jartzea lortu dugu, eta, honekin, lehen helburua lortu dugu”, esan du. Mobilizazioaren garrantzia azpimarratu du, eta martxoaren 8a eredu berri baten eraikuntzan beste urrats bat izango dela jakinarazi du.

M8 GREBA FEMINISTA: Emakumeok* planto, Nosotras paramos, nous on s'arrête

E-posta Inprimatu PDF fitxategia

Zergatik egingo dugu greba? Emakumeen* nazioarteko grebarekin bat egitea erabaki dugu...

¿por qué vamos a la huelga ? Nos sumamos a la huelga internacional de mujeres* porque...

Confebaskek eta EAJk ez dute proposamen bat bera ere egin soldata arrakalaren arazoari aurre egiteko

E-posta Inprimatu PDF fitxategia

LABek elkarretaratze bat egin du gaur, Lan Harremanen Kontseiluaren aurrean, Bilbon, “Gure lanak balioa du, 7680 euro gutxiago. Emakumeok planto!” leloarekin. Hain zuzen ere, mobilizazio hau Eusko Jaurlaritzako Justizia eta Lan Departamentuak emakume eta gizonen arteko soldata arrakalari buruz hitz egiteko deitutako bilera egin bitartean gauzatu dugu. Bileran, LABeko bi kide izan dira, Batzorde Exekutiboko Arantxa Vazquez tartean, eta Gasteizko Legebiltzarrak egindako legez besteko proposamenaren inguruko irakurketa eta soldata arrakalari aurre egiteko neurriak proposatu ditugu. Confebaskek eta EAJk, berriz, ez dute ezer proposatu. Are eta gehiago, patronalak esan du soldata arrakalaren arazoa ez dela bere erantzukizuna, eta ez duela diskriminaziorik ikusten; EAJk, bere aldetik, patronala ez duela interpelatuko adierazi du. Martxoaren 12rako deitu dute hurrengo bilera, eta LABek egunotan baloratuko du bertara joan ala ez.

Enpresetara joko dugu soldata arrakalaren azterketa egin dezaten, diskriminazio egoerak zuzentzeko

E-posta Inprimatu PDF fitxategia

LABeko idazkari nagusi Garbiñe Aranburuk eta Idazkaritza Feministako idazkari Elixabete Etxeberriak agerraldi bat egin dute gaur Bilbon, soldata arrakalari aurre egiteko esku artean ditugun ekimenen berri emateko. Hain zuzen ere, ostegunean, soldata arrakalaren aurkako egunean, enpresatan proposamen bat erregistratuko dugu, non soldata arrakalaren azterketa egitea eskatuko diegun enpresei eurei. Egoeraren azterketa egin ondoren, diskriminazio egoerak zuzentzeko proposamenak egingo dizkiegu enpresei, baita instituzioei ere.

Greba feministarekin bat egiteko arrazoiak soberan ditugula nabarmendu dugu Gasteizen

E-posta Inprimatu PDF fitxategia

Martxoaren 8a antolatzeko batzarrak egiten ari gara egunotan, eskualdez eskualdez. Gasteizen txanda iritsi zen atzo, eta egun horretarako Euskal Herriko Mugimendu Feministak deitutako grebak LABen gogoeta eta erabakiekin bete-betean bat egiten duela berretsi dugu. Hain zuzen ere, "Emakumeok* planto!" lemapean, martxoaren 8an mobilizazioak gauzatzeko arrazoiak soberan ditugula nabarmendu dugu.

Soldata arrakalaren arazoari seriotasunez heltzeko garaia da

E-posta Inprimatu PDF fitxategia
M8ko greba erregistratu genuenean adierazi bezala, soldata arrakalarekin amaitzea lehentasunezko borroka bat da eta LABen agendan lehentasunezko tokia du.

Emakumeok pairatzen dugun errealitatea salatu dugu Sestaon

E-posta Inprimatu PDF fitxategia

LABek bat egin du Euskal Herriko Mugimendu Feministak martxoaren 8rako deitutako greba feministarekin, "Emakumeok* planto!" lemapean. Hala, egun horri itxaron beharrik gabe, sindikatuak ekimen bat egin du Ezkerraldean, martxoaren 8ari eta emakumeek pairatzen dituzten urraketei ikusgarritasuna emateko. Sestaoko Kasko plazan bildu gara, eta emakumeok prekarietatea eta indarkeria matxista pairatzen ditugula salatu dugu, besteak beste.

Nafarroan ere erregistratu dugu martxoaren 8ko greba feministaren deialdia

E-posta Inprimatu PDF fitxategia

LAB, ELA, STEILAS, ESK eta HIRU sindikatuetako ordezkariak Nafarroako Lan Departamentuaren bulegoetara hurbildu gara gaur, martxoaren 8ko lanuzteak erregistratzeko. Gauza bera egin genuen atzo Bilbon; Eusko Jaurlaritzaren bulegoetan, astearteko kasuan.

Emakumeak planto egitera deitu ditu Garbiñe Aranburuk, martxoaren 8ko greba feministaren erregistroan

E-posta Inprimatu PDF fitxategia

LAB, ELA, ESK, STEILAS, EHNE-Bizkaia eta HIRUko ordezkariok martxoaren 8ko greba feministaren barruan egun horretarako deituta dauden lanuzteen erregistroa egin dugu gaur. Hain zuzen ere, gehiengo sindikalak bat egiten du Euskal Herriko Mugimendu Feministak egin duen deialdiarekin. LABeko idazkari nagusi Garbiñe Aranburuk hartu du hitza gaurko agerraldian, eta martxoaren 8an greba egiteko hamaika arrazoi daudela nabarmendu du.

Euskal gehiengo sindikalak bat egin du martxoaren 8ko greba feministarekin

E-posta Inprimatu PDF fitxategia

LAB, ELA, STEILAS, ESK, Hiru eta EHNE Bizkaiak Euskal Herriko Mugimendu Feministak gaur iragarri duen greba feministarekin bat egin dugu. Hain zuzen ere, aurtengo martxoaren 8an lehenengo aldiz Euskal Herrian greba feminista egingo da "Emakumeok* planto!" lemapean. Enplegu greba hutsaz harago doan greba izango da, zaintza betebeharrei eta kontsumoari lotutako lanuztearen aldeko apustua egingo da, egungo eredu kapitalista heteropatriarkala auzitan jartzeko.  

Page 1 of 3

Gure zerbitzuak hobetzeko, gure eta hirugarrenen cookieak erabiltzen ditugu, eta iraunkorrak direnez, erabiltzaileei buruzko estatistikak ematen dizkigute. Nabigatzen jarraitzen baduzu, cookie horiek erabiltzea onartzen duzu.

Informazio gehiago hemen.

Pribatutasun politika / Política de privacidad
.