2024-09-19
HomeEkintza SindikalaMacronen lan erreformari modu kolektiboan egin behar diogu aurre

Macronen lan erreformari modu kolektiboan egin behar diogu aurre


Langileen haserrea ozen entzun da Baionako kaleetan. Sindikatuak egindako greba eta mobilizazio deialdiari erantzunez jende ugari bildu da frantziako gobernuaren azken erasoa salatzeko. Paristik etortzen diren inposaketek prekarietatea besterik ez dute ekarriko. Eraso hauei modu kolektiboan erantzun behar diegula aldarrikatzen du LABek. Gainera, hemengo beharrak kontutan hartuz hemen erabaki behar dugula deritzogu.


Lehendakaritzarako kanpainan Emmanuel Macronek argi adierazi zuen Lan Kodea erreformatzeko borondatea eta horretarako prozedura martxan jarria du. Erreforma honek ondorio larriak izanen ditu langileentzat. Erreforma honek aldaketa ainitz ekarriko ditu besteak beste nagusiek hitzarmen kolektiboa edo lan kodea baino kaxkarragoa den akordio bat negoziatzeko aukera izanen dute eta gehiegizko kanporaketa baten kasuan, langileak urte bat ukanen du bakarrik Prud’hommesetara joateko eta langileek jasotzen ahalko dituzten kalte-ordainak mugatuak izanen dira.

Macronen diskurtsoa gezurretan oinarritzen da, lan harremanak indibidualizatzea eta lan baldintzak prekarizatzeak ez baitu langabezia ttipituko. Gainera prekarietatea areagotzea kaltegarria da bai langileentzat baita enpresa txiki eta ertainentzat ere. Eraso berri honen aurrean, elkarrekin benetazko alternatiba bat eraiki behar dugu. LABen iritziz aterabidea Ipar Euskal Herri mailako batzorde parekidean datza. Sindikatuak honen alde borrokan jarraituko du.

 

 

AZKEN ALBISTEAK | ÚLTIMAS NOTICIAS

Karrera profesionala guztiontzat exijitu dugu

Sindikatuak Nafarroako Parlamentuaren aurrean elkarretaratzea egin du gaur goizean helburu bikoitz bati jarraiki: batetik, ateez bestaldean izenpetu behar zen akordioa ospatzeko, zeinaren bitartez Osasunbideko 3.000 langile baino gehiagorentzako karrera profesionala onartuko baita; eta bestetik, eskubide hori bera gainerako langileentzat ere zabal dadila aldarrikatzeko. Egun historikoa dela nabarmendu dute, borroka sindikalaren beharra eta garrantzia azpimarratzearekin batera.

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.