2026-11-18
HomeEkintza SindikalaLan harreman eredu berri baten eztabaidari ekiteko eskatu dio LABek EAJri

Lan harreman eredu berri baten eztabaidari ekiteko eskatu dio LABek EAJri

LABen ustez, erreformak alde batera utzi eta bide propio bat egiteko momentua da. Alderdi politikoek eta instituzioek eztabaida honetan parte hartzea funtsezkoa dela ikusirik, sindikatuak talde parlamentario desberdinei aldebiko bilerak egitea proposatu zien duela aste batzuk. EAJren erantzunik jaso ez eta gaur, Sabin Etxera urbildu dira Lan harreman eredu berri baten eztabaidari ekiteko eskatzera.

Elkarretaratzearen Garbiñe Aranburu, LABeko ekintza sindikaleko eta negoziazio kolektiboko idazkariak adierazpenak eskaini ditu.

Aranburuk langabezia eta pobrezia areagotzen ari den honetan, patronalak negoziazio kolektiboa bahitua duela salatu du. Eta testuinguru honetan, LABek lan harreman eredu berri bat aldarrikatzen denbora darama azpimarratzearekin batera, sindikatuaren irakurketa eta proposamenak partekatzeko eskatutako bilerak gogoratu ditu.

Bilera horietan EHBildu, PSE eta UPyDek parte hartu dutela jakinarazi du Aranburuk eta PNVren erantzun faltaren aurrean, gaurkoan, "gure proposamenak ekartzera" PNVren etxera joateko erabakia hartu duela LABk  esan du.

Elkarrizketa Soziala berriro abian jartzeko kontaktuak izaten ari den EAJ – Jaurlaritzak, LABekin inolako kontakturik ez izana salatu du Aranburuk bere interbentzioan eta oso ezkor azaldu da aurreko ostiralean Legebiltzarrean jasotako mezu kontrajarriekin.

LABen ustez Urkulluren Gobernua aurreko gobernuaren eredu berdina errepikatzeko prest dagoela dirudi eta hori oso larritzat jotzen du sindikatuak. Aranbururen hitzetan "porrot egin duen eredu bat errepikatzea esan nahi baitu, eta gainera gutxiengo sindikalarekin, gehiengoari bizkar emanez".

Beste behin, LABek, helburu eta eduki argirik ez duen eta gobernuari zein patronalari babesa ematen dion inolako elkarrizketa sozialeko mahaitan ez duela parte hartuko adierazi du Aranburuk. LABentzat "langileen egoera benetan larria" den momentu hauetan erantzukizunez jokatzeko garaia da, "konponbideak behar dituzte, iruzurrik ez."

Aranburuk argi du non kokatzen den eztabaida, "inposatzen zaizkigun erreformak alde batera utzi eta lan harreman eredu berri eta propio bat eraiki behar dugu" gaineratu du.

Zer eredu eta zertarako?

o Enplegu eta soldata duinak bermatuko dituen eredua
o Euskal langileok gure esparruan dugun negoziazio kolektiborako eskubidea bermatuko duena
o Akordioan eta ez inposaketan oinarrituko dena. Beraz, aurreko astean sorturiko ORPRICCE soberan dago
o Eta azkenik, eta ez horregatik garrantzi gutxiagoakoa, hemen erabaki behar dugu herri honek ze nolako lan harreman eredua behar duen. Hemen erabaki eta egun ditugun eskuduntza gabeziak gainditzeko erabaki politikoak hartu behar dira. Ez da nahikoa Gobernuan erantzunkizunak dituen EAJ egiten ari dena: lan erreforma gustuko ez duela esan baina aplikatu. “
 

 

 

 

AZKEN ALBISTEAK | ÚLTIMAS NOTICIAS

Salatzen dugu FVEMek Bizkaiko metalgintzako negoziazioa blokeatzen jarraitzen duela eta langileek eros-ahalmena gal dezaten dela bere asmoa

Patronalak eskasegia den soldata-proposamenari eusten dio eta malgutasun handiagoa eskatzen du, sektoreko 57.000 langile baino gehiagoren aldarrikapenei muzin eginez.

Asteasuko Siemens Gamesako langileek ez dute etsitzen beren lan-baldintzak lantokian bertan erabakitzeko aldarrikapenarekin

Dagoeneko bost aste baino gehiago daramatzaten greba mugagabean, hitzarmen propioaren alde eta enpresak inposatu nahi dien akordio markoaren aurka. Gaur Zamudiora bertaratu dira eta mobilizazioa egin dute multinazionalak aurkezten zuen marka berriaren ekitaldiaren bueltan.

LABek, ELAk, UGTk, CCOOk eta ESK-k greba-egunak deitu ditugu Petronorren azpikontratetan, negoziazioaren blokeoaren aurrean

Petronorren azpikontratetako langileek urteak daramatzate lan-baldintza oso gogorrak jasaten. Soldata duinak, enplegu-egonkortasuna, atsedenaldi egokiak, lan-arriskuen prebentzioa eta lan-baldintza duinak aldarrikatzea ez da pribilegioak eskatzea: findegiaren jarduera egunero posible egiten duten langileentzako eskubideak eta bidezko hobekuntzak dira.