Egun gutxi barru, maiatzaren 31n, Araba, Bizkaia eta Gipuzkoako Enplegu eta Politika Sozialetako Departamenduak diru sarreren bermerako eta inklusio sozialerako sisteman egingo duen erreformaren neurriak iragarriko ditu. Neurriok, orain arteko ildoari jarraituz, prestazioak jasotzeko baldintzen gogortzea ekarriko dutelakoan gaude. Hori dela eta, datozen egunetan mobilizazioak egingo ditu Euskal Herriko Eskubide Sozialen Kartak. Ildo honetan, elkarretaratzera deitu dute gaurko, Bilbon, Eusko Jaurlaritzaren egoitzaren aurrean.
Murrizketak aplikatzen dituzten politiken aurrean eta emergentzia sozial zein pobrezia egoera orokortuari buelta emateko, Euskal Herriko Eskubide Sozialen Kartak mobilizatzera deitu ditu herritarrak. Hauek dira ekainerako aurreikusitako deialdiak, Eskubide sozialen defentsas, babes sozialerako sistema publiko propioa orain! Murrizketarik ez! Pobreziarik ez! leloarekin:
• Ekainak 5, PENTSIONISTAK, Donostian
• Ekainak 14, ERABILTZAILEAK, Donostia eta Bilbon
• Ekainak 22, MUGIMENDU FEMINISTA, Bilbon
• Ekainak 29, GEHIENGO SINDIKALA, Donostia, Bilbo eta Gasteizen