Cables y Alambres enpresa egoera larrian dago eta langileek borrokan dira parte guztien inplikazioa eskatzen proiektu industrialaren benetako apustua lortzeko, 150 langile baino gehiagoren lan postuak mantentzeko eta segurtasun lan-baldintza duinak bermatzeko.
Cables y Alambres enpresa Vicinay taldeak erasi zuen 2015eko martxoan eta erosketarekin batera 10 milioi eurotako inbertsioak, 40 kontratazio berri eta hurrengo 5 urteetarako produkzioaren %70eko igoera ziurtatu zieten langileei.
Enpresaren erosketa, Vicinay taldea, Bizkaiko Foru Aldundia, Eusko Jaurlaritza eta enpresaren akzionisten arteko akordioa izan zen.
Cables y Alambres egoera zailean dago. Makina eta instalazioen zaharkitzea, atzerapenak nominen ordainketan, lan baldintzen prekarizazioa, lan erritmo jasanezinen eta aparteko orduen inposizioa beharrezko produkzio tonak lortzeko eta gainera, Erandioko HAPOak gaur egun lantegia dagoen lekuan etxebizitzen eremu bat planteatzen du.
Honen aurrean, langileek guztiz beharrezko ikusten dute inplikatutako parte guztien arteko akordio eta konpromisoak gauzatzea proiektu industrialaren benetako apustua lortzeko, 150 langile baino gehiagoren lan postuak mantentzeok eta segurtasun lan-baldintza duinak bermatzeko.
Horrela, proiektu industrialaren eta enpleguaren aldeko borrokan hasi dira. Astelehenean, uztailaren 2an, kontzentrazioa egin zuten eta gaur, uztailaren 5ean, mobilizazio berria egin dute.
Trabajadoras y trabajadores de Cables y Alambres en lucha por el proyecto industrial, el empleo y unas condiciones dignas de seguridad y salud