Mendaroko EGILE enpresan protesta ekintza egin dugu gaur, bertako gerentea Eduardo Junkera ADEGIko lehendakaria ere badelako. Mezu argia helarazi nahi dugu, Gipuzkoako metalgintzan hitzarmen duin bat nahi dugula, edukiz betetakoa, eta hori lortzeko, borrokatzeko prest gaudela, hitzarmen guztietan egiten ari garen bezala.
Akordio batera iritsi ahal izateko beharrezkoa izango da KPIa bermatzea, lanaldia jaistea, aldi baterako desgaitasun osagarriak adostea, malgutasunari mugak jartzea, baimenek egungo errealitateari erantzutea… beste gauza batzuen artean.
Negoziaketa mahaia 2023ko urtarrilaren 12an osatuko da. LABek argi dauzka helburuak eta oztopo guztien gainetik, metalgintzan akordio duina lortzeko borrokarako prest dago.