Bizkaiko metalgintzako bosgarren greba arrakastatsuarekin batera, gaur FVEMek eta bere laguntzaile Eusko Jaurlaritzak hartutako erabakiak gogor salatu nahi ditugu LAB, ELA, CCOO eta UGT sindikatuok. Polizia goizeko piketeetan hasi eta batez ere Bilboko manifestazioan jarrera oldarkorra adierazi du, eta manifestazio erdialdean hura eten ere egin du, tentsio momentuak sortaraziz. Pertsona bat atxilotu ere egin du.