Manifestazioa egin dugu gaur Donostian, enpresak ezarritako Enplegu Erregulazio Espedientearen kontsulta fasea bukatzear den honetan.
Bihar izango da azken bilera enpresarekin, eta ekainaren 28az geroztik greba mugagabean jarraitzen duten langileek argi dute beren helburua: deskarbonizazioa ahalbidetzea, baina inolaz ere lanpostuak suntsitzeko aitzakia gisa.
EEE hau martxan jartzeko enpresak argudiatutako arrazoia izan da Clinker ekoizpena Añorgatik kentzea eta jarduera hori Heidelberg Materials enpresak Arrigorriagan duen plantara mugatzea. LABen trantsizio ekosozialaren aldeko apustua egiten dugu, noski, baina berriro diogu halako prozesuek langileen parte-hartzea izan behar dutela oinarri eta kaleratzerik gabe gauzatu behar direla.
