LAB sindikatuko koordinatzaile orokorra Euskadi Irratiko Faktoria irratsaioan elkarrizketatu dute gaur goizean. Politika alorrean, EAEko Gobernu berriarentzako eskakizunak edota Ipar Euskal Herriko bozen testuinguruan eskuin muturrari aurre egin beharraz jardun du, besteak beste.
Gutxieneko soldataren aferaz ere galdetu diote Arroyori, eta gogorarazi du azken datuen arabera eguneratuta, sindikatuak 1.600 euroko gutxieneko ordainsaria eskatzen duela Hego Euskal Herrian, Europako Karta Sozialak gomendatutakoari jarraikiz. Bestalde, herritarren kezka iturri nagusietakoa diren zerbitzu publikoez eta, zehazki, osasungintzaz jardun du; hala, aipatu du Osakidetzan, esate baterako, adabakiak jartzeaz harago, sakoneko politikak direla aldatu beharrekoak.
Elkarrizketa honako esteka honen bidez entzun daiteke osorik: https://www.eitb.eus/eu/irratia/euskadi-irratia/programak/faktoria/osoa/9533209/igor-arroyo-jaurlaritza-berriak-onartu-beharko-du-oker-zeudela-sindikatuen-kontrako-euren-kritiketan/