LAB sindikatuak Metro Bilbaon ematen ari den gestio eredua onartezina salatzeko eta langileei beren eskubideen alde egiten ari diren mobilizazioei babesa emateko prentsaurrea eskaini zuen atzo Bilbon. Sindikatua oso pozik agertu da izaera eta ideologia ezberdineko 5 sindikatuk greba-baztordean bateginik garatzen ari diren lanarekin. Honekin batera, martxoaren 24rako deitua duten manifestaziora joateko deialdia luzatu die bere afiliatuei eta jendarte osoari.