Abandiñoko Rothenberger enpresan hitzarmenik gabe daude 2013. urteaz geroztik. Enpresaren negoziaziorako borondate eza dela eta, langileen ordezkariak (4 LAB, 3 CCOO, 2 ELA) kontzentrazioak egiten hasi ziren 2017ko martxoan. Egoera ez da aldatu, eta, enpresak jarrera bera duenez, langileek datozen hilabeteetan mobilizatzen jarraituko direla iragarri dute. Izan ere, argi dute hitzarmen duin berri bat izateko borroka dela bide bakarra. Atzo bertan, elkarretaratze bat egin zuten enpresaren aurrean, “Hitzarmenaren duin baten defentsan, Rothenberger-eko enpresako langileak borrokan”.
Rothenberger-eko enpresa batzordearen hitzetan, enpresak emaitza ekonomiko onak ditu eta egoera hori hobeto nahi du langileen eskubideei muzin eginez, oinarri hauek ardatz: prekarizazioa sustatuz, langileen eskubideak urratuz eta osasunarentzat kaltegarriak diren lan erritmoak inposatuz.