2026-11-21
HomeEkintza SozialaPolitika eta jarduera arrazistarik ez Gasteizko kale-saltzaileekin

Politika eta jarduera arrazistarik ez Gasteizko kale-saltzaileekin

Arabako hiriburuko jaien testuinguruan, Udaltzaingoak kalerik kaleko salmentan aritzen diren pertsonak jazartzen dituenaren berri izan dugu, eta gogorarazi dugu kale-salmenta ez dela delitua.

Aginduak argia dirudi: identifikatu, isuna jarri (120 €-ko isunak jartzen ari direla egiaztatu ahal izan du LABek) eta salgai dauden produktuak konfiskatu (kapelak, betaurrekoak…). Hori da udaltzainak egun hauetan egiten ari direna. Jokabide hauen oinarriak Jaietako bandoan eta Udal Araudian daude, biak ala biak muturrera eramanez eta pertsona hauek jazarriz.

LABen ulertzen dugu arauon eta udaltzaingoaren arduraduna Maider Etxebarria Gasteizko Alkatea dela; beraz, dei egiten diogu jokabide hauekin amaitzeko eta pertsona hauek beraien jarduera askatasunez eta presiorik gabe aurrera atera ahal izatea berma dezala.

Kalez kaleko salmentan lan egiten duten pertsonak langileak dira, hau da, haien ogibidea da eta lasaitasunez aurrera atera behar dute. Horietako asko egoera administratibo irregularrean daudenez, Atzerritartasun Legearen mehatxupean, udaltzaingoa zigorgabetasunez jokatzen ari da, ezin baitute haien aurkako jarduerak salatzeko eskubidea baliatu. Eredu kapitalista eta arrazista honek sistematikoki urratzen du pertsonek lan duina izateko duten eskubidea, eta, hori gutxi balitz, horiek jazartzen ditu. Hori guztia dela-eta, langile hauen jazarpenarekin bukatzea aldarrikatzen dugu eta eskatzen dugu administrazioek eta toki-erakundeek eskubideak eta lan eta bizi baldintza duinak berma ditzatela.

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.