Manifestazio bat egin dugu gaur Iruñean, LAB, ELA, ESK, STEILAS, EHNE, HIRU eta CGT sindikatuek deituta, "Prekarietatea hiltzailea. Lan istripu gehiagorik ez!" leloarekin. Euskal gehiengo sindikalak Nafarroako Enpresarien Konfederazioaren egoitzaren atarira eraman du protesta, "zuen etekinak, gure istripuak" oihuen artean. Nafarroako Gobernuari ere egin diogu dei sindikatuok, honen egoitzaren aurrean ere, prebentzioa zerbitzu publikotik bultza dezan eskatzeko.
