2026-11-20
HomeEkintza PolitikoaFresneseko kartzelan presoen eskubideak urratzen direla salatuko dugu

Fresneseko kartzelan presoen eskubideak urratzen direla salatuko dugu

ELA, LAB, ESK, STEILAS, EHNE eta HIRU sindikatuek kontzentrazioa egingo dugu bihar Bilboko frantses kontsulatuaren aurrean, “FRESNES SOS, isolamendurik ez, sakabanaketarik ez, euskal presoak etxera!” lemapean. Kontzentrazioan, Fresneseko kartzela frantziarrean Bilboko auzokide bik bizi duten egoera larriaren aurrean kezka adierazten duten idatzi bat helaraziko diote Frantziako kontsulari.

Itziar Moreno, isolamenduan dago Fresnesko kartzelan joan den maiatzaren 2tik hona. Zigor hau Fresnesen errespetatzen ez diren oinarrizko eskubideak defendatzeagatik inposatzen dioten zigorra, hala nola, garbitasunerako eskubidea, katxoetan biluztu behar ez izateko eskubidea, funtzionarioek errespetuz tratatua izateko eskubideak edo haurdun dauden presoek euren baldintzak hobetzeko eskubidea… Azken batean bizi-baldintza duinetarako eskubidea.

Euskal preso batek jasandako justfikaezinezko zigor honen aurrean, Saul Curto Bilboko auzokide eta kartzela berean preso dagoenak, elkartasunezko gose greba hasi zuen maiatzaren 11an protesta moduan.

Bilboko euskal gehiengo sindikalak kontsulari eskuhartzea eskatuko dio eskuduntza duen autoritate frantesen aurrean Itziar Morenoren isolamendu egoera larriarekin amaitzeko.
 

 

 

AZKEN ALBISTEAK | ÚLTIMAS NOTICIAS

Gipuzkoako helduen egoitzen hitzarmena #LortuDugu

Erosahalmena bermatzeaz gain, administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.

Plantillak Tubos Reunidos defendatu du, eta orain Espainiako Gobernuari dagokio oztopatzeari uztea eta Eusko Jaurlaritzari enpresaren etorkizunarekin duen konpromisoa zehaztea

Tubos Reunidos Groupeko Amurrioko langileok 301 kaleratzeak, Amurrioko altzairutegiaren itxiera eta logistikaren esternalizazioa eragozteko grebara joatea erabaki genuen argi geneukalako Enplegu Estintzioko Espedientea ez zela Tubos Reunidosen arazoak konpontzeko bidea. Hasieratik defendatu genuen ez plantilla, ezta gure lan baldintzak ere, ez zirela enpresaren egoeraren erantzule. Argi eta garbi esaten genuen enpresaren arazoa bere zorra zela, zuzendaritzaren kudeaketa negargarri batek eta bere akziodun handien diru-goseak eragindakoa.