2026-11-18
HomeIndustriaMetalgintzaIncoesako langileek Jaurlaritzari erantzukizunez joka dezan exijitu diote

Incoesako langileek Jaurlaritzari erantzukizunez joka dezan exijitu diote

Incoesako langileak atzo estintzioko Enplegu Erregulazio Espedientearen bideragarritasunari buruzko txostena egin behar duten Eusko Jaurlaritzako kideekin batzartu zen. Langileek txostena egiterakoan erantzunkizunez jokatzeko eskatu zioten Jaurlaritzari.

Pasa den martxoaren 13an enpresak aurkeztutako EEEaren kontsulta aldia adostasunik gabe amaitu ondoren, Eusko Jaurlaritzaren txanda da orain, eta espedientea epailearen eskuetara heldu aurretik egin beharko du aipatu txostena.

Bileran, langileek exijitu diete Eusko Jaurlaritzako kideei, behingoz inplika daitezela gatazka honetan eta erantzunkizunez jokatu, hilabete guzti hauetan argi geratu baita ez dagoela Bediako lantegia ixteko arrazoi justifikaturik.

Hilabete guzti hauetan, epailea enpresak martxan jarritako prozedura guztiei ezetz esaten ibili den bitartean, Eusko Jaurlaritzak, beste alde batera begiratzeaz gain, enpresaren erabakia balioztatu du langileen kontrako txostenak eginez.

Orain, eta berandu izan arren, ordua da Eusko Jaurlaritzak pauso bat aurrera egin eta EEEa arbuiatu dezan.
 

 

 

AZKEN ALBISTEAK | ÚLTIMAS NOTICIAS

LABek eskatzen du BFAko eta GUFEko plantilla handitzea zenbait unitatetan, ez baitago langile kopuru nahikorik

Bizkaiko Foru Aldundiko-GUFEko LABen atal sindikalak proposamen bat aurkeztu zuen joan den astean Batzar Nagusietan, bi erakundeen Lanpostuen Zerrenda (LPZ) handitzeko eskatuz, Bizkaiko aurrekontu-proiektuan bertan 2027an ezartzen diren langile-hazkundearen aurreikuspenetatik harago.

Lan eremuan indarkeria matxistaren aurkako konpromisoak behar direla aldarrikatzera kalera aterako gara azaroaren 25ean

Emakumeen Aurkako Indarkeriaren Kontrako egunaren harira, LABetik mobilizazio bana deitu dugu Gasteizen eta Iruñean.

Salatzen dugu Correoseko bulegoak eta banaketa-unitateak gainezka daudela kontrataziorik egin ez delako

Posta bidezko botoa onartzeko azken eguna bihar izango da, eta LABen atal sindikalak salatu du bulegoak eta banaketa-unitateak gainezka daudela, hauteskunde-kanpainak eragindako jarduera-igoeraren eta kontratazio faltaren ondorioz. Egoera horrek agerian uzten du, beste behin ere, enpresaren aurreikuspen eta plangintza falta.