2026-11-20
HomeIndustriaMetalgintzaCorrugados enpresako langileek ANren sententzia errekurriko dute

Corrugados enpresako langileek ANren sententzia errekurriko dute

Corrugados Azpeitia eta Corrugados Lasao lantegietako enpresa batzorde eta langileek agerraldia eskaini dute Azpeitian Auzitegi Nazionalak eman duen sententzia baloratzeko. Sententzia kontrakoa izan arren borroka ez dela amaitu esan dute eta hurrengo egunetan errekurtso bat aurkeztuko dutela iragarri dute.

Corrugados Azpeitia eta Lasaoko Enpresa Batzordeen balorazioa
Bere momentuan salatu genuen bezala, Expedientearen helburu nagusia erabakigunea Euskal Herritik kanpo bideratzea zen eta horretan berresten gara orain ere. Euskal Herrian burututako epaiketa guztietan, behin eta berriro Enpresak negoziatzeko izan duen borondaterik eza agerikoa izan da eta hori gainditzeko eraman gaituzte Madrilera eta Euskal Herrian sortutako presio sozialarengandik ihesi.

Expedientearen kausak artifizialak direla esaten genuen, egoera eta arazo ezberdinak barnebiltzen dituzten Enpresez osatzen baita expediente hau, eta ez zaio eman inongo momentutan kaleratzeak ez ziren beste alternatibarik.

Sententzia gure kontrakoa izan den arren, ez ditu ate guztiak ixten, Argi eduki hurrengo egunetan errekurtso hori aurkeztuko dugula.

Espainiako Audientzia Nazionala eta Sententzia hau, Erreformaz baliantzen dira; hau da, Erreformak Enpresariei nahi duten guztia egiteko ematen dizkien tresna guztiak erabili dira, gure lanpostuen kaltetan. Audientzia Nazionalak, Espainiar estatuko tresna homogenizatzaile bezala funtzionatzen du eta honbestez, erreformaren aplikazioa eta ondorioz, enpresarien erabakiak hartzeko unilateralatasuna bermatu ditu.

Gure eskubide sozial eta laboralen galeraren inboluzio prozesu honetan, ez dago gure herrian, egoera honi herri bezala instituzionalki aurre egingo dion inongo estrategiarik.

Gallardo Taldea gure lantegiekin ESPEKULATZEN ari da, langileak kalera botaz, Lan zentruak irekita mantenduz, baina deskapitalizatuta. Kontutan hartu behar dugu, Enpresak direla gure patrimonio sozial nagusiena. Hau onartezina da. Eta are eta gutxiago, Euskal Herria eta Urola-Kosta bizitzen ari den DESINDUSTRIALIZAZIO prozesuaren aurrean.

Hau guztia tarteko, bada ARDURAK hartu behar dituenik:

Gauzak honela, Administrazioek badute zer esana. Gallardori Espekulatzen jarraitzea onartuko al diote? Gure bizitza eta etorkizunarekin jolastea onartuko al diote?

Hurrengo egunetan, Sententzia baloratzeko ronda bat zabaltzeko asmoa dugu Administrazioekin, beraien inplikazioa eta erabakiak hartzea exijituko diegularik.

Hasiera emateko, Eusko Jaurlaritzari de egin nahi diogu, premiazko bilera bat burutu dezagun eta argitu diezagun egoera guzti honen aurrean, zer eskeintza edo alternatiba daukan Azpeitia eta Urola-Kostako langileentzako.

Hemen ez da gure borroka amaitzen!

 

 

 

AZKEN ALBISTEAK | ÚLTIMAS NOTICIAS

Teknikarien sektorean langile borrokaren bidez lortu dugu patronala mugiarazi eta negoziazioa ahalbidetzea

Ikuskizunen eta ekitaldien sektorean 26 eta 27rako aurreikusita zegoen greba bertan behera geratu da gaur; izan ere, behin eta berriro negoziazioak geldiarazten edo oztopatzen ahalegindu den patronala mahaian eser dadin eta teknikarien lan-baldintzei buruz negozia dezan lortu dute langileek beren mobilizazioekin eta presioarekin.

Gipuzkoako helduen egoitzen hitzarmena #LortuDugu

Administrazio publikoko langileekiko ekiparazioaren aldeko urratsak eman eta arrakala murrizten du aurreakordio honek, LABek negoziazio hasieratik mahaian defendatu izan duen bezala.

Lan-ikuskaritzak arrazoia eman digu, eta argi geratu da San Esteban egoitzako langileei eskubideak urratu zaizkiela

Txostenak frogatutzat jo du Getxoko lantokian ez dela errespetatu adinekoen egoitzetako hitzarmena.