Langile ordezkariek eta enpresak akordioa sinatu dute Odi-Bakar enpresan

Enpresa Hitzarmena sinatu dute batetik, Estatu Espainoleko Lan Erreforma ez aplikatzeko beharrezko neurriak jaso dituzte bertan. Bestetik, akordio bat adostu dute. Bi urtez soldata jaitsiera egongo da, kategorien araberako parametroekin; eta bi urte horietan enpresak ezingo du kaleratze traumatikorik ezta arrazoi ekonomiko edo produkziozkoengatik kaleratzerik egin. Akordio horretan ere, 2015 eta 2016 urteetarako ordain sari bereziak adostu dituzte (betikoez gain); urte hauetan langileak egiten ari diren ahalegina eta erakutsi duten konpromisoa konpentsatzeko asmotan.

Enpresa Hitzarmena eta akordioa enpresak Independieteekin eta LABekin sinatu du. ELA sindikatuko bi ordezkariek ez dute ez Hitzarmena ezta ere akordioa sinatu. Gainera, langileen asanbladaren %90 (inguru) onarpena izan du akordioak.

Hasiera batean, enpresak langile guztientzako %15eko soldata jaitsiera planteatu zuen, diru hori berreskuratzeko eskubiderik gabe eta inongo lanpostuen bermerik gabe. 25 egunetako Greba Mugagabearen ondoren eta langileen borrokari esker, orain galdutako dirua 2015 eta 2016 urteetan berreskuratuko dute eta, gainera, lanpostuen bermea lortu dute. 

 

LAB SAREAN
{module[111]}