Gaur, abuztuak 30, lanpostu banaketen ekitaldi publikoa izan den honetan, Heziketa bereziko langileok aurre akordioaren garapena eta murrizketekin amaitzeko eskatu dugu.
Lan Hitzarmena berritu gabe utziko du agintea PSEk. Agintean izan den azken urte hauetan, administrazioa ez da gai izan kolektibo honen beharrei erantzuteko. Nahiz eta 2011. urtean konfliktoari irtenbidea emateko aukera izan zuen, sindikatu guztiek eta administrazioak berak sinatutako aurre-akordioa urratu zuen, negoziazioak ezerezean utziz.
2011-12 ikasturtean LAB, ELA eta STEE-EILAS sindikatuok buruturiko mobilizazioek ere ez zuten erantzunik jaso: sinatutako aurre-akordioaren garapena eta kolektibo honetan, zein zerbitzu publikoetan izaniko murrizketak eteteko eskatzen genuen.
Raxoiren Lan Erreformak egoera larritu duela jakitun, Madrilen erreformaren kontra jardun du PSOEk, eta Lopezen gobernuak ere intsumiso plantak egin baditu ere etxe barruan ez du ezertxo ere egin, ezta bere eskuetan dauden konfliktoetan ere: Lopez eta Celaa badoaz kolektiboa kale gorrian geratzeko arriskuari konponbiderik eman barik.
