Etiquetak Prekarietatea hiltzailea

Etiketak: prekarietatea hiltzailea

70 dira honezkero urte hasieratik hildako langileak

Laneko heriotza berri bi izan ziren atzo. Batetik, atzo goizean, Amurrioko Saratxoko saihesbideko obretan egitura bat erori eta langile bat zauritu zuen. Langilea helikopteroz ebakuatu zuten Gurutzetako ospitalera eta bertan hil da. Bestetik, Orkoiengo Faurecia enpresan, Truck & Whell enpresako garraiolaria, gaizki sentitu eta bertan hil zen, istripu ez traumatikoan.

Mobilizaziorako deia egiten dugu lan heriotzen aurrean

Gaur hilak 15, garraiolari bat hil da A-15ean, Andoainen. Bestalde, atzo jakin genuen, urrian lanetik etxeko bidean zioala auto istripua izan ostean zauritu zen Papelera Zikuñagako 23 urteko langilea abenduaren 12an hil zela, istripuak eragindako lesioen ondorioz. Bada, datorren ostiralean, abenduaren 18an, ELA, ESK, STEILAS, EHNE eta HIRU sindikatuekin batera mobilizazioa egingo dugu Donostian 11:00etan, Eusko Jaurlaritaren egoitzaren aurrean. Gaur, berriz, Azpeitian egin dugu protesta, euskal gehiengo sindikalak ere deituta, ostiralean hildako langilea gogoan.

UDAPAko langileek lan-istripuen kontrako mobilizazioa egingo dute

Joan den abenduaren 11n, lan-istripu larria gertatu zen, patata ekoizten eta merkaturatzen duen UDAPA S.Coop. enpresaren instalazioetan. Zehazki, goizeko 5:30ak aldera, langile bat lanean hastera zihoala, egiten ari diren indusketa-lanei dagokien zanga batera erori zen. Istripuaren ondorioz, langilea ospitalera eraman behar izan zuten egindako zauri eta lesioen ondorioz.

Langile bat hil da Azpeitian, urteko 66. lan heriotza Euskal Herrian

Gaur, langile bat hil da lanean, Azpeitian. 58 urtetako J.M.A makina batek harrapatu du Erraztiola Serrategia SL enpresan. Aste berean Euskal Herrian hiltzen den bigarren langilea, izan ere, abenduaren 7an Indusaleko langile bat hil zen Muskizen, Petronor-en. Gaurkoarekin, gutxienez 66 langile hil dira Euskal Herrian urtea hasi denetik eta Joaquin Beltranek desagertua jarraitzen du Zaldibarreko Zabortegian duela 10 hilabetetik. Gehiengo sindikalak, kontzentrazioa egingo du abenduaren 15ean, 12:00etan, Erraztiola Serrategia SL-ren aurrean.

Astebetean bi garraiolari hil dira Araban

Atzo, hilak 25, garraiolari bat oso gaixorik topatu zuten Gasteizko parkin batean, ospitalera eraman zuten eta bertan hil zen. Gainera, azaroaren 18an, garraiolari bat topatu zuten hilik kabinaren barrualdean Araiako zerbitzu eremuan. LABetik gure babes eta elkartasunik zintzoena erakutsi nahi diegu hildakoen senitarteko eta gertukoei. Honekin gutxienez 63 langile hil dira lanean Euskal Herrian urte hasieratik, horietatik 11 garraiolariak.

Lan istripuen pandemiaren aurrean, noiz hasiko da administrazioa neurri gogorrak hartzen?

Asteartean Aranaratxen izandako lan heriotzaren aurrean, dei egiten dugu LAB, ELA, ESK, STEILAS, EHNE, HIRU eta CGT sindikatuok datorren ostiralean, azaroaren 27an, 12:00etan, Iruñeko Tomas Caballero Parkean kokatuta dagoen Nafarroako Gobernuaren Lan Sailaren aurrean egingo dugun kontzentrazioan parte hartzera. Herritar eta langileak izan behar gara laneko heriotzek dakarten odoluste honen aurrean nahikoa dela esango dugunak.

Oionen mobilizatuko gara asteazkenean, azken lan heriotza salatzeko

Kupsa enpresa kimikoaren aurrean elkartuko gara, 12:00etan, euskal gehiengo sindikalak deituta. Ostiralean hil zen bertako langile bat, egun batzuk lehenago izandako sutearen ondorioz pairatutako erreduren eraginez.

Premiazko neurriak eskatu ditugu lan istripuen odolustea geldiarazteko

Euskal gehiengo sindikaletik mobilizazioa egin dugu Bilbon eta Iruñean, Confebask eta CEN patronalen aurrean, eta, bertan, premiazko neurriak eskatuko ditugu lan-istripuen odolustea geldiarazteko. Hain zuzen ere, Covid-19aren ondorioz jarduera ekonomikoa nabarmen murriztu da, baina 2019ko lan-istripu hilgarrien kopurua gainditu dugu. Hortaz, pandemiak inoiz baino argiago erakutsi du osasuna sistema ekonomikoaren alboko kaltea dela.

Tubos Reunidos taldearen egoitzara eraman dugu azken lan heriotzaren salaketa

Trapagako Productos Tubulares enpresako langile bat hil zen larunbatean, bigarrena hilabeteko epean. Lan heriotzen sarraskiak ez du etenik, eta, egoera salatzeko, enpresa batzordeak deitutako elkarretaratzea...