Etiquetak Ekintza Soziala

Etiketak: Ekintza Soziala

Eredu sozioekonomikoa bere horretan mantendu beharrean, eredua da aldatu behar dena...

LABen ustez, Ipar Euskal Herrian konfinamendu berri bat indarrean izatea, eta Hego Euskal Herrian horren atarian egotea, agintarien kudeaketa okerraren ondorioa da, udaberritik hona hartu ez diren erabakien ondorio. Arduragabekeria baino gehiago da: klasismo lotsagabea dago langileak aintzat hartzen ez dituen kudeaketa horren atzean.

Egoerak erabaki politikoak eskatzen ditu, osasun krisia gainditu eta ondorio ekonomiko...

Agerraldia egingo dugu astelehenean, azaroak 9, Covid-19 pandemiaren aurrean egiten dugun irakurketa eta egiten ditugun proposamenen berri emateko, egunotan hartu diren azken erabakien harira. Izan ere, gobernu desberdinek ez dute inolako asmorik pandemiak agerian utzi dituen egiturazko gabeziei erantzuna emateko.

Infernuaren utzarazteak bere gordintasun osoan erakusten digu zein den Donostiako Udalaren...

Donostiako Infernua auzoan burutzen ari utzaraztea, operazioa zilegiztatzeko egindako kriminalizazio kanpaina eta arrazakeria instituzionala salatzen ditugu. Polizia operazio bortitzak eta errepresio etengabea jasaten ari diren bertako bizilagunei gure elkartasun osoa adieraztearekin batera.

Lehentasunezkoa da obra publikoen kontrol publiko eta herritarra berreskuratu eta Donostiako...

Bizi dugun une kritiko honetan eta metroko obren gertakari larrien aurrean, jendarteak bere haserrea adierazi du, eta arduradun politikoak urduri daudela agerikoa da. LABeko langileok halako makro-proiektu zentzugabearen kontrakotasunean berresten gara, eta orain indar handiagoz, herritarrok erantzuteko momentua dela argi dugu. Satorralaia bizilagunen mugimenduak azaroaren 14rako deitutako manifestaziorekin bat egiten dugu eta dei egiten diegu langileei gure ezezkoa eta haserrea kalean eta lanean adierazi eta antolatzera.

Pentsioen sistema propio bat eraikitzeko beharra berretsi du Garbiñe Aranburuk

Garbiñe Aranburu idazkari nagusiak agerraldia egin du Bilbon, LABen Heldu eta Pentsiodunen Arloko kide eta Bizkaiko LAB Helduak taldeko koordinatzaileak lagunduta, Toledoko Itunaren azken erabakien balorazioa egiteko eta urriaren 31rako pentsiodunen mugimenduak eta egoitzetako erabiltzaileek deitutako mobilizazioei atxikimendua adierazteko. "Pentsioen sistema publiko bat bermatzeko eredua eraldatu behar da, eta horrek sistema propio baten beharraz hitz egitera ekartzen gaitu berriro", adierazi du.

Lan, pentsio eta bizitza duinak aldarrikatzea ez dela delitu nabarmendu dugu

Gasteizko epaitegien aurrean mobilizatu gara Euskal Herriko Eskubide Sozialen Kartako eragileon ordezkariak, urtarrilaren 30eko Greba Orokorrean lan, pentsio eta bizitza duinak aldarrikatzeagatik auzipetutako herritarrak babesteko. Hain zuzen ere, langile asko identifikatuak, mehatxatuak, erasotuak eta ekonomikoki zigortuak izan ziren egun horretan antolatutako plantoagatik: 1.500 euroko hiru isun, 751 euroko bi isun eta bi lagunentzako akusazio penala. Azken bi hauek deitu dituzte deklaratzera, eta horren aurrean mobilizatu gara.

Pobreziarekin amaitzeko ezinbestekoa da politika publikoak iraultzea

Urriaren 17a Pobrezia Desagerrarazteko Nazioarteko Eguna da. Urtez urte, pobrezia desagerrarazteko nazioarteko egunean, helburu hori betetzeko proposamen eta asmo desberdinak jasotzen ditugu herritarrok, administrazioak kudeatzen dituztenen borondate politikoaren esku dagoela jakitun. Urteek aurrera egin ahala ordea, administrazio publikoetatik egiten diren gogoeta eta proposamenek gustu txarreko txiste baten zapore garratza uzten digute. Izan ere, pobrezia murriztu eta egoera hobetu beharrean, pobrezian sakontzen eta berau hedatzen jarraitzen dugula erakusten digu errealitateak Hego Euskal Herrian.

Herri akusazio gisa aurkeztuko gara Eskubide Sozialen Kartaren izenean, Zaldibarreko auzian...

Euskal Herriko Eskubide Sozialen Kartako eragileok eta Zaldibar Argitu plataformak agerraldi bateratua egin dugu, Durangoko epaitegien aurrean. Hain zuzen ere, kalean erakutsitako kezka eta indarra epaitegietara eramateko garaia dela erabaki dugu, eta, hala, erantzukizunak argitzeko, zabortegiaren auziaren gainean egingo den epaiketara herri akusazio gisa aurkeztuko gara. Hala jakinarazi du Kartako eta LABeko kide Edurne Larrañagak.

Langabezia datuak: enplegu orokorraren errekuperazioa, gazteen enpleguaren galerak jarraitzen duen bitartean

Irailaren amaieran, 182.903 langabe zeuden Hego Euskal Herrian, eta % 55,4 emakumeak ziren. Enplegu Zerbitzu Publikoak argitaratutako datuek langabeziaren zifrak arindu egin direla erakusten dute, eta oro har, gizonezkoen eta emakumeen alde egin dute. Aitzitik, gazteen egoerak okerrera egiten jarraitzen du, eta 1.240 gazte gehiagok (25 urtetik beherakoak) langabeziaren zerrenda ofizialak loditu dituzte.