lortudugu - Buscar resultados

Lan Ikuskaritzak ontzat eman du LABek abenduan aurkeztutako salaketa, Basurtuko Ospitaleko erreten-zerbitzuari atxikitako erizainen lan-baldintzak urratzeari buruzkoa. Zehazki, salatu genuen erizaintzako langile horien lan-karteldegien etengabeko aldaketa, karteldegi horien gabezia bera, eta lanaldien artean behar den atsedenerako eskubidearen urraketa.

Astelehen gauez, 2021-2013rako enpresa-hitzarmenaren inguruko akordio batera heldu ziren Plastibor Slko langileen-batzordea (LABeko 7 delegatu, ELAko 1 eta CCOOeko 1) eta zuzendaritza. Akordioa langileen asanbladak berretsi du.

Nafarroako Gobernuarekin itundutako eta kudeaketa pribatua duten desgaitasuna duten pertsonentzako zentroetan ordezkaritza duten erakunde sindikalek -ELA (%30,56), LAB (%26,39), CCOO (%23,61) eta UGT (%18,06) sindikatuek- aurreakordioa sinatu dute gaur Iruñean, sektoreko V. hitzarmena ezartze aldera. Lehenengo aldiz sinatuko du LABek hitzarmen probintzial hau, oso positibotzat jo baitu aurrekoek jasotzen ez zituzten aurrerapen batzuk jasotzea, 2.000 langile inguruko lan-baldintzak nabarmen duintzeko aukera emanen dutenak.

ANEISek, Nafarroako Esku-hartze Sozialeko patronalak, eta LAB sindikatuko ordezkariek aurreakordioa lortu dute sektoreko Nafarroako lehen hitzarmena ezartzeko; zalantzarik gabe langileen lan-baldintzak duinduko dituena. Nafarroako Gobernuak, ANEISek eta LAB eta UGT sindikatuek aurreakordio hori sinatu dute Iruñean. LAB sindikatuak oso positibotzat jo du 2016an hasitako borroka honen bidez lorturiko emaitza.

Apirilean jakitera eman genuen bezala, LAB, ELA, CCOO eta UGT sindikatuok, Euskal Aktoreen Batasuna sindikatuarekin batera, Euskal Autonomia Erkidegoko Interpretazio Eszenikoaren sektorerako lehen hitzarmena sinatu dugu. Bada, orduan lortutakoa formalizatu egin da orain, eta 2025era arte egongo da indarrean lan-baldintzak arautu eta bermatzen dituen lehenengo testua.

Gaur osteguna, martxoak 23, Bilboko Lan Harremanen Kontseiluaren egoitzan, LAB, CCOO eta UGT sindikatuok 2022-2025 aldirako Bizkaiko metalgintzaren hitzarmena sinatu dugu.

Gorabide, Gaude, eta Ibarrako (Orozko) Madres Mercedariaseko enpresa batzordeak grebara atera gara eta Bilboko kaleetan zehar mobilizatu gara. Langileok gure hitzarmenak berritzeko eta gure lan-baldintzak hobetzeko borrokan ari gara, atzo bertan Apnabiren kasuan lortu genuen bezala. Apnabik ere aniztasun funtzionalaren sektorean lan egiten du, gainerakoek bezala.

Sindikatuko ehundaka delegatuekin izan gara hilabete honetan, Hego Euskal Herriko lau hiriburuetan, hauteskunde sindikalen epealdi trinkoan murgildu garen honetan, eta Ipar Euskal Herrian ekimen ibiltari bat gauzatu dugu, langileen kezkak bertatik bertara ezagutzeko. Bada, Iruñean egin dugu hiriburuetan egindako lau ekitaldietatik azkena, Labrit pilotalekuan, eta, bertan, borrokak merezi duela nabarmendu dugu berriro ere. Emaitzak begibistakoak dira.