6 urteko borroka eta 60 greba egun ostean, sindikatuak balorazio egoki bat egin behar du, patronalak igorri duen proposamenaren inguruan.
LAB sindikatua sektoreko langileekin batera azken 6 urteetan kalean eta lan zentroetan borrokan egon da, borroka luze eta nekeza izan da, eta horregatik jaso berri dugun proposamen berri honen inguruan, gure oinarri militanteekin batzarra egingo dugu gaur. Izan ere, LABek aldarrikapen asko mahai negoziatzailean zein kaleetan defendatu ditu, eta ezin besteko agentea izan da borroka hau aurrera eramateko. Horregatik, borroka honek merezi duen itxiera bermatu behar dugu eta jasotako eskaintza hau nahikoa den baloratu behar dugu.
LABek gogorarazi nahi du, jasotako proposamena sektoreko langileek egindako borroka eredugarriaren ondorioa dela, beraz garaipena beraiena da. Harritu gaitu sindikatu batek jada akordioa iragartzea, langileekin eta LABekin duen elkarlana errespetatu gabe.
Gure militantziarekin eta langileekin proposamena landu ostean, LABek goizean zehar iragarriko du bere posizioa.