2024-03-28
HomeEkintza SindikalaAkordiorik gabe amaitu da Bilboko Hijas de la Cruz ikastetxean EEEa negoziatzeko...

Akordiorik gabe amaitu da Bilboko Hijas de la Cruz ikastetxean EEEa negoziatzeko kontsulta-epea

Amaitu da Bilboko Hijas de la Cruz ikastetxeko EEEa negozitzatzeko kontsulta-aldia; lau bilera egin ostean, zentroko titularrek ez dute Ikastetxearen itxiera justifikatzen duten arrazoi ekonomikoak frogatu.

Bilboko Hijas de la Cruz itunpeko ikastetxeko arduradunek urtarrilean jakitera eman zutenez, 2021eko abuztuaren 31n ikastetxea itxiko dute, 162 urteko jardueraren ondoren, eta 200 familia inguru eta 41 langile kalean utzita. Azken 10 urteetan matrikulazioak behera egin duela eta horren ondorioz galera ekonomikoak dituztela argudiatu dute.

Kontsulta aldian, titularrek aitortu duten bezala, 2020ko abenduaren 1ean hartu zuten ikastetxea ixteko erabakia. Erabakia hartzeko arrazoia ez da oinarritu txosten tekniko ekonomiko batean edo matrikulazioko datuetan. Kontsulta-aldian argi geratu denez, lehenik eta behin, ekonomiaz bestelako arrazoiengatik hartu zen erabakia, eta, gero, ad hoc justifikazio bat egin zuten. Harrigarria bada ere, EAEko Hezkuntza Sailak ikastetxe osoaren itxiera onartu zuen Hijas de la Cruzen jabeek itxiera justifikatzen zuen txostenik aurkeztu gabe.

LAB sindikatutik aipatutako egoera gogor salatu nahi dugu. Itundutako Hijas de la Cruzeko titularrek inolako justifikaziorik gabe ikastetxea itxi eta 41 langile kaleratzen dituzten bitartean, Bilboko Alde Zaharrean alternatibak proposatu bazizkioten ere, espazio eta hezkuntza-eskaintza faltagatik, Eusko Jaurlaritzak enplegua suntsitzea onartu eta auzoko hezkuntza- komunitatearen beharrak baztertzea ahalbidetu du.

AZKEN ALBISTEAK | ÚLTIMAS NOTICIAS

0-3 urtekoen zikloko sindikatuak berriz mobilizatu dira, Hezkuntza Departamentuari eskatzeko behingoz har dezan alor honetako ardura

Nafarroako 0-3 hezkuntza zikloko sindikatu guztiek (LAB, ELA, STEILAS, AFAPNA, UGT eta CCOO) elkarretaratzea egin dute gaur Iruñean, Hezkuntza Departamentuaren egoitza nagusiaren parean, Gobernuak ziklo honi dagokionez erakusten duen jarrera axolagabea salatzeko. Ildo berean, apirilaren 11n manifestazioa eginen dutela iragarri dute, Departamentuaren egoitzatik 17:30ean abiatuko dena.

Grebak Arabako aisialdi hezitzailea eta animazio soziokulturalean apirilaren 2a eta 4an, hitzarmenaren negoziazioan akordiorik ez dagoelako

Agerraldia egin dute gaur Gasteizen sektoreko langileek bi greba egunak iragartzeko. Hitzarmen duinik ez badago, zerbitzurik ez dela egongo adierazi dute.

Iruñeko eremu urdinean jarduera ia geldirik egon da grebaren hiru egunetan

Enpresa Batzordeak (LAB, ELA, UGT eta CCOO) astelehenetik egiten ari den grebaren balorazio positiboa egin du, eta ohartarazi du Dornierrek ez badu aurrerapausorik ematen lan baldintzak hobetuko dituen hitzarmenaren negoziazioan, mobilizazioekin jarraituko dutela.