LAB SINDIKATUA

2017/08/18 :: 8:37

Azken Eguneraketa:2017/08/17 :: 7:00

HIZKUNTZA
Hemen zaude:

Elkarretaratzea egin dute Arabako ardogintzako langileek, lan hitzarmenaren alde

E-posta Inprimatu PDF fitxategia
Partekatu albistea



Joan den azaroan izan zen mahai negoziatzailearen azken bilera. Abenduaren 5ean, gehiengo sindikalak jabeari sinatzeko proposamena eskaini zion. Langileek ez dute erantzunik jaso oraindik, ez eta mahai negoziatzailearekin biltzeko proposamenik ere.

LAB eta ELA sindikatuek deituta, Arabako ardogintza arloko langileek elkarretaratzea egin zuten igandean Oionen, Plaza Nagusian. Hitzarmen duin baten alde egin zuten protesta, patronalaren jarrera ikusita. "Ardogintzaren langileek erantzun bat behar dutela uste dugu: lan hitzarmena berritu, lantegiak arriskutik kanpo geratu eta langileen erosteko ahalmena jaisteko bidetik atera", adierazi dute sindikatuek.

Elkarretaratzea egiten zuten bitartean, Oiongo alkateak harrera egin zien Arabako hainbat erakundeko ordezkariei; Nekazaritzako diputatu Eduardo Aguinako eta ahaldun nagusiaren ondoko Pilar Garcia de Salari, tartean. Langileek dokumentu bat helarazi zieten hauei, upategietako jabeen jarreraren berri izan zezaten.

2016. urtean lan hitzarmena ez zen berritu, nahiz eta egoera latz batetik etorri: azkena lau urtetarako izan zen (2012-2015), horietatik hiru urtetan lan saria izoztu egin zen eta batean (2013an) igoera % 1ekoa izan zen eta gainontzeko murrizketak jasota, aintzinatasunarena adibidez.




 


 
 

Ez dago iruzkinik


Iruzkinak egiteko izena ematea ezinbestekoa da. Oraindik ez duzu konturik? Erregistratu